ரமேஷு.. ரமேஷு.. சரியான போடு போட்ட பிக் பாஸ்.. வாயடைத்துப் போன ஜித்தன்.. சிறப்பான தரமான சம்பவம்!

பங்களிப்பு என்ன

பிக் பாஸ் வீட்டில் நீங்கள் 60 நாட்கள் நல்லா படுத்துத் தூங்கியது போதும், உங்களுடைய பங்களிப்பு என்ன? வெளியே என்னையே ரசிகர்கள் கழுவி ஊத்துறாங்க, இந்த சீசன் ரொம்ப மொக்கைன்னு, நீங்களாவது என்ன செஞ்சீங்கன்னு சொல்லுங்க, இல்லை இனிமேலாவது எதையாவது செய்ய முயற்சி பண்ணுங்க என்கிற ரீதியில் உங்களின் பங்களிப்பு என்ன? என்ற கேள்வியை பிக் பாஸ் கேட்டுள்ளார்.

ஆபிஸ் ரூம்

ஒவ்வொரு போட்டியாளரையும் ஆபிஸ் ரூம் தங்களை அன்புடன் வரவேற்கிறது என்பது போல அழைத்து, நல்லா ஊமைக் குத்தா குத்தி அனுப்ப ஆரம்பித்து விட்டார் பிக்பாஸ். போட்டியாளர்களை வைத்தே, அவங்களை அவங்க வாயாலையே ரசிகர்கள் மத்தியில் அசிங்கப்படுத்த நல்ல ஒரு சான்ஸை உருவாக்கியது செம சூப்பர். இதுல உள்ள நடந்ததை வெளியே சொல்லக் கூடாது என்றும் சொல்லி அனுப்பியது ஹைலைட்.

முதல் பலி ஆடு

பிக் பாஸ் வீட்டில் ஏகப்பட்ட நாட்கள் வெறும் மிக்சர் தின்னுக்கிட்டும், ஆடியன்ஸ் போலவே எந்த ஒரு டாஸ்க்கும் செய்யாமல் பிக் பாஸ் வீட்டுக்குள்ளே இருந்து வேடிக்கை பார்த்துக் கொண்டும் இருந்த ஜித்தன் ரமேஷை முதல் ஆளாக உள்ளே அழைத்து பிரியாணிக்கு வெட்டுவதை போல பிக் பாஸ் வெட்டி விட்டார்.

பாத்ரூம் கழுவினேன்

ஜித்தன் ரமேஷை எப்போ கேட்டாலும், நான் பாத்ரூம் க்ளீன் பண்ணேன். எனக்கு ஹைஜீனிக் ரொம்ப முக்கியம் என்பதை மட்டுமே சொல்லி வருகிறார். மக்களை மகிழ்விக்க என்ன பண்ணீங்க இந்த 60 நாளில் என்ற கேள்விக்கும், நான் பாத்ரூம் கழுவினேன் என ரமேஷ் பேசி பிக் பாஸிடம் நல்லாவே பல்பு வாங்கினார்.

பேய் முழி

ஜித்தன் ரமேஷ் என்னத்த சொல்ல வந்தாலும், கேட் போட்டு மடக்கும் பிக் பாஸால் என்ன தான் டா சொல்வது என தெரியாமல் பேய் முழி முழிக்கத்தொடங்கிய ஜித்தன் ரமேஷை சமூக வலைதளங்களில் ஆன் தி ஸ்பாட் ரசிகர்கள் மிக்சர் தின்னி என கலாய்க்க ஆரம்பித்து விட்டனர். எதுவுமே பண்ணல என்பதை சொல்ல வேண்டியது தானே என்றும் பங்கம் பண்ணினர்.

பாலாவை ஜெயிச்சேன்

ஜித்தன் ரமேஷ் பாலாவை ஜெயித்தாரா? இல்லையா என்பதே இன்னமும் பஞ்சாயத்தில் தான் இருக்கு. கமல் சார் நாளைக்கு குறும்படம் போட்டுக் காண்பித்தால் தான் உண்மை வெளிவரும். இந்நிலையில், தனது தரப்பு செய்கையாக டஃப் போட்டியாளர் பாலாவை கேப்டன் டாஸ்க்கில் ஜெயித்து கேப்டன் ஆனது நான் செஞ்ச பங்களிப்பு என்றார். பிக் பாஸ் நீ கெளம்புப்பா என ஜித்தனை வெளியே அனுப்பி விட்டார்.