பிக் பாஸ் வீட்டை விட்டு வெளியேறிய ரமேஷ்.. முதன்முறையாக பதிவிட்ட வீடியோ.. என்ன சொன்னார் தெரியுமா?

ஜித்தன் ரமேஷ்

சூப்பர் குட் பிலிம்ஸ் தயாரிப்பாளர் ஆர்.பி. செளத்ரியின் மூன்றாவது மகனும் நடிகர் ஜீவாவின் அண்ணனுமான ரமேஷ் செளத்ரி, ஜித்தன் படத்தில் ஹீரோவாக அறிமுகமான நிலையில், ஜித்தன் ரமேஷ் என்றே அழைக்கப்பட்டு வருகிறார். ஹாலிவுட்டில் வெளியான ஹாலோமேன் படத்தைத் தழுவியே ஜித்தன் படம் எடுக்கப்பட்டது குறிப்பிடத்தக்கது.

ஹீரோவாக ஜெயிக்கல

ஜித்தன் படம் ரமேஷுக்கு நல்ல அறிமுகமாக இருந்தபோதும், தொடர்ச்சியாக அவர் ஹீரோவாக நடித்த ஏகப்பட்ட படங்கள் சொதப்பிய நிலையில், ஹீரோவாக கோலிவுட்டில் அவரால் ஜெயிக்க முடியவில்லை. பிசினஸில் களமிறங்கி கலக்கி வந்த நிலையில், பிக் பாஸ் நிகழ்ச்சியில் இந்த ஆண்டு போட்டியாளராக அசத்தல் என்ட்ரி கொடுத்தார் ஜித்தன் ரமேஷ்.

முதலும் கடைசியும்

பிக் பாஸ் நிகழ்ச்சியில் கலந்து கொண்டாலும், விளையாட்டில் மிகப்பெரிய அளவில் ஈடுபாடு காட்டவே இல்லை ஜித்தன் ரமேஷ். அர்ச்சனாவின் அன்பு கேங்கில் ஐக்கியமாகி அப்படியே சொகுசு வாழ்க்கையை பிக் பாஸ் வீட்டில் கடந்த 70 நாட்களாக வாழ்ந்து விட்டு வெளியேறினார். முதல் முறை ஷிவானியுடன் ஜெயிலுக்குப் போன ஜித்தன் ரமேஷ், கடைசியாக அனிதாவுடன் சிறைக்கு சென்றார்.

கன்ஃபெஷன் ரூமிலிருந்து

மற்ற போட்டியாளர்களுக்கு கொடுக்கப்பட்ட சூப்பரான செண்ட் ஆஃப் ஜித்தன் ரமேஷுக்கு கொடுக்கப்படவில்லை. இத்தனைக்கும் பாலாவுடன் போட்டிப் போட்டு கேப்டனாக ஜெயித்த நிலையிலும், ஜித்தன் ரமேஷை கன்ஃபெஷன் ரூமிலிருந்து கமல் பேசும் மேடைக்கு அழைத்து வந்து, ஹவுஸ்மேட்கள் ஆடி, பாடி, கட்டித் தழுவி, அழுது புலம்பி செய்யும் வழியனுப்புதல் இவருக்கு வாய்க்கவில்லை.

ஜித்தன் ரமேஷ் வீடியோ

70 நாட்கள் பிக் பாஸ் வீட்டிலிருந்த ஜித்தன் ரமேஷ் வெளியேறிய நிலையில், தற்போது வெளியிட்டு இருக்கும் வீடியோ வைரலாகி வருகிறது. காரில் பயணித்துக் கொண்டிருக்கும் ஜித்தன் ரமேஷ், தனக்கு இத்தனை நாட்களாய் சப்போர்ட் பண்ணிய அனைத்து ரசிகர்களுக்கும் ரொம்ப நன்றி என்று கூறினார்.

புது அனுபவம்

பிக் பாஸ் வீட்டில் இருந்த இத்தனை நாட்களும் தனக்கு ஒரு புது அனுபவமாக இருந்தது என அந்த வீடியோவில் ஜித்தன் ரமேஷ் பேசியுள்ளது அவரது ரசிகர்களை உற்சாகப்படுத்தி வருகிறது. ரசிகர்களுடன் எப்போதுமே இனி தான் தொடர்பிலே இருப்பேன் என்றும், ரசிகர்களின் மகத்தான ஆதரவு தனக்கு கிடைத்த பாக்கியம் என்றும் கூறியுள்ளார்.

சப்போர்ட் தேவை

பிக் பாஸ் வீட்டில் இருந்த போது எனக்கு எப்படி சப்போர்ட் பண்ணிங்களோ அதே போல இனிமேல் நான் நடிக்கப் போகும் படங்களுக்கும் உங்கள் ஆதரவு கண்டிப்பா தேவை. நீங்க அதை கொடுப்பீங்கன்னு நம்புறேன் என்றார். முன்னதாக நிஷா ஞாயிறு அன்று எவிக்‌ஷன் ஆன நிலையில், அவரது வீட்டில் நடந்த கோலாகல வரவேற்பு வீடியோவும் வைரலானது குறிப்பிடத்தக்கது.

நிஷாவை சந்திப்பீர்களா

வெளியேறும் போது நிஷாவை ஜித்தன் ரமேஷும், ஜித்தனை நிஷாவும் பார்க்க முடியாதபடி கமல் அவரை சிறையில் அடைத்து விட்டார். இந்நிலையில், ஜித்தன் ரமேஷின் இந்த வீடியோவை பார்த்த ரசிகர்கள், உங்கள் பாசக்கார சகோதரியான நிஷாவை வெளியே சந்திப்பீர்களா என்றும் சீக்கிரமே போட்டோ போடுங்க என்றும் கோரிக்கை வைத்து வருகின்றனர்.