Don't Miss!
- News "பேசுவதை எல்லாம் ஒட்டு கேக்குறாங்க.. இதனால நான் செல்போனை யூஸ் பண்றதே இல்லை.." ஹெச்.ராஜா பகீர் புகார்
- Sports 4 பந்துகளில் 4 சிக்ஸ்.. டி வில்லியர்ஸ் சாதனையை முறியடித்த பட்டிதர்.. 19 பந்துகளில் மிரட்டல் அரைசதம்!
- Automobiles டீ கடை பிசினஸை விட்டு தள்ளுங்க.. ரயில்வே ஸ்டேஷன்ல தண்ணி கட போட்டாலே கோடி கணக்குல சம்பாதிக்கலாம்..
- Lifestyle சப்பாத்திக்கு ஏற்ற மணமணக்கும்... ருசியான.. சைவ சிக்கன் கிரேவியை எப்படி செய்யணும் தெரியுமா?
- Technology BSNL தான்யா டாப்பு.. Jio-வுக்கும் Airtel-லுக்கும் ஆப்பு.. 200 ரூபாய்க்குள் 70 நாள் வேலிடிட்டி.. எந்த திட்டம்?
- Finance 6 மாதங்களில் 73% வளர்ச்சி.. ஜியோ ஃபைனான்சியல் சர்வீசஸ் பங்குகள் அள்ளிக் கொடுத்த லாபம்..!
- Travel இந்தியாவில் உள்ள புனிதமான காடுகள் – வாழ்வில் ஒரு முறையேனும் இந்த காடுகளுக்கு செல்ல வேண்டும்!
- Education சென்னை ஏர்போர்ட்டில் பணிபுரிய ஆசையா...!
'கும்கி' புகழ் ஜோ மல்லூரி சகோதரர் மரணம்...நேரில் சென்று ஆறுதல் கூறிய பாரதிராஜா!
சென்னை: எழுத்தாளரும், நடிகருமான ஜோ மல்லூரியின் சகோதரர் இறப்புக்கு இயக்குநர் பாரதிராஜா நேரில் சென்று ஆறுதல் கூறியிருக்கிறார்.
பாரதிராஜாவின் உதவியாளர், எழுத்தாளர், பேச்சாளர் என்று பன்முகங்களுடன் வலம்வந்த ஜோ மல்லூரி பிரபு சாலமனின் 'கும்கி' மூலம் தமிழ் சினிமாவில் நடிகராக அறிமுகமானார்.
சமீபத்தில் வெளிவந்த 'காக்கா முட்டை' படத்தில் இவரின் நடிப்பு பெரிதும் பேசப்பட்டது. இவர் நடிப்பில் அடுத்ததாக திருநாள் படம் வெளியாகவுள்ளது. இதில் நயன்தாராவின் அப்பாவாக நடித்திருக்கிறார்.
தனது நடிப்பிற்குக் கிடைத்த அங்கீகாரத்தால் சந்தோஷமாக வலம்வந்த ஜோ மல்லூரியின் வாழ்வில், தற்போது துயரமான சம்பவம் ஒன்று நடந்திருக்கிறது.
அவரின் சகோதரர் கஷ்மீர் ராஜா(ஹோமியோபதி மருத்துவர்) மாரடைப்பு காரணமாக இறந்து விட்டார்.இதனையறிந்த ஜோ மல்லூரி உடனடியாக சொந்த ஊரான ராயப்பட்டிக்கு(தேனி) விரைந்து சென்றார்.
திரையுலக நண்பர்கள் ஜோ மல்லூரியிடம் துக்கம் விசாரித்து வருகின்றனர். இந்நிலையில் ஜோ மல்லூரி குருவாக மதிக்கும் இயக்குநர் பாரதிராஜா அவரின் வீட்டிற்கு சென்று நேரில் ஆறுதல் கூறியிருக்கிறார்.