கெளதம் மேனன் ஹீரோ.. சீறு படத்தில் வில்லன்.. இப்படி மிரட்டுறீங்களே எப்படி வருண் இதெல்லாம்!

சிங்க நடை

வேல்ஸ் ஃபிலிம் இன்டர்நேஷனல் தயாரிப்பில் வா டீல், றெக்க படங்களை இயக்கிய ரத்ன சிவா சீறு படத்தை இயக்கி உள்ளார். கடந்த ஆண்டு ஜீவா நடிப்பில் வெளியான கொரில்லா மற்றும் கீ ஆகிய இரு படங்களும் எதிர்பார்த்த வெற்றியை கொடுக்காத நிலையில், இந்த ஆண்டின் தொடக்கத்திலேயே சீறு சிங்க நடை போடுகிறது.

பப்பி ஹீரோ

முரட்டு சிங்கிள் இயக்கத்தில் வருண் ஹீரோவாக நடித்த பப்பி படம் கடந்த ஆண்டு வெளியாகி வெற்றி படமாக மாறியது. இந்த படத்தில் வருணுக்கு ஜோடியாக கோமாளி படத்தில் நடித்த சம்யுக்தா ஹெக்டே நடித்திருந்தார். யோகி பாபுவின் கலக்கல் கவுன்ட்டர் காமெடியில் படம் பட்டையை கிளப்பியது.

ஜோஷ்வா இமை போல் காக்க

கெளதம் மேனன் இயக்கத்தில் நீண்ட நாட்களாக கிடப்பில் கடந்த தனுஷின் எனை நோக்கிப் பாயும் தோட்டா படத்தை ரிலீஸ் செய்ய ஐசரி கணேஷ் உதவிக் கரம் நீட்டினார். அதனை தொடர்ந்து, அவரது தயாரிப்பில் உருவாகி வரும் ஜோஷ்வா இமை போல் காக்க படத்தை நாயகன் வருணை வைத்து கெளதம் மேனன் இயக்கி வருகிறார். விரைவில் இந்த படம் திரைக்கு வரவிருக்கிறது.

வில்லனாக ஏன்?

நடிப்பின் மீது ஆசை கொண்ட நடிகர் வருண் தன்னால் வில்லனாகவும் மிரட்ட முடியும் என சீறு படத்தின் மூலம் நிரூபித்துள்ளார். ஹீரோவாக கூட நடித்து விடலாம். ஆனால், வில்லனாக படத்தை தாங்கும் போது தான் நடிப்பு திறமையை வெளிப்படுத்த முடியும் என்பதால் வியாசர்பாடி மல்லியாக நடித்து அசத்தியுள்ளார் வருண்.