போதை மருந்து கொடுத்த டாக்டர்.. சில்க் ஸ்மிதாவை சீரழித்தது அவர்தான்.. சாவுக்கு காரணம் சொன்ன பிரபலம்

சென்னை: சில்க் ஸ்மிதா தமிழ் சினிமாவில் தவிர்க்கவே முடியாத ஆளுமை. ரஜினிகாந்த், கமல் ஹாசன் உள்ளிட்ட பல நடிகர்களுடன் நடித்திருந்த அவர் கண்களாலேயே கவர்ச்சியை காண்பித்து கிறங்கடித்தவர்.அதனால்தான் அவருக்கு இன்றுவரை பலரும் ரசிகர்களாக இருக்கிறார்கள். அவர் வாழ்க்கை தொடர்பான திரைப்படங்களும், அவரது புகைப்படங்கள் திரைப்படங்களிலும் பயன்படுத்தப்பட்டுவருகின்றன. இந்த சூழலில் சில்க் ஸ்ம்தாவின் மரணம் குறித்து பத்திரிகையாளர் பயில்வான் ரங்கநாதன் சில விஷயங்களை பேசியிருக்கிறார்.

விஜயலட்சுமி என்ற இயற்பெயரை கொண்டவர் சில்க் ஸ்மிதா. ஆந்திராவை பூர்வீகமாகக் கொண்ட அவர் குடும்ப வறுமை காரணமாக தமிழ்நாட்டுக்கு வந்தவர். அதன் பிறகு அவர் இந்திய சினிமாவை ரூல் செய்தது குறிப்பிடத்தக்கது. சில்க் கால்ஷீட் கிடைத்தால் போதும் படம் வெற்றிபெற்றுவிடும் என்பதே அப்போதைய நிலையாக இருந்தது. தமிழ் சினிமாவில் பல கவர்ச்சி நடிகைகள் வந்திருக்கிறார்கள்; வந்து கொண்டிருக்கிறார்கள். ஆனால் அந்தக் கவர்ச்சியை அழகாகவும், அளவாகவும் உடலில் மட்டுமில்லாமல் கண்களிலும் காட்டுவது சில்க் ஸ்மிதாவால் மட்டும்தான் முடிந்தது.

தமிழில் அவர் வினுசக்கரவர்த்தி இயக்கிய வண்டிச்சக்கரம் படம் மூலம் அறிமுகமானார். முதல் படத்தில் அவர் ஏற்றிருந்த சில்க் என்ற கதாபாத்திரத்திற்கு ரசிகர்கள் கட்டுண்டதால் ஸ்மிதா என்ற பெயருடன் சில்க் என்ற பெயரும் ஒட்டிக்கொண்டது. அப்போதிருந்து அவர் சில்க் ஸ்மிதாவாக மாறினார். அழைக்கப்பட்டார். சில்க் ஸ்மிதா தமிழில் அறிமுகமானாலும் தமிழ் மட்டுமின்றி இந்தியாவில் இருக்கும் அனைத்து மொழி திரைப்படங்களிலும் நடித்திருக்கிறார். படிப்பறிவு இல்லாவிட்டாலும் எதையும் உடனே பிடித்துக்கொள்ளும் திறமை சில்க் ஸ்மிதாவுக்கு இயற்கையிலேயே இருந்திருக்கிறது.

இதன் காரணமாக அவரால் பல மொழிகளிலும் எளிதாக நடிக்க முடிந்தது. ஒருமுறை மலையாளத்தில் மோகன் லாலுடன் ஒரு பாடலுக்கு ஆடுவதற்கு கேரளா செல்ல நேரம் இல்லாததால் மோகன் லால் சென்னை வந்து சில்க்குடன் நடனம் ஆடிவிட்டது சென்றதெல்லாம் சில்க்கால் மட்டுமே படைக்க முடிந்த வரலாறு. இயக்குநர்களில் பாலுமகேந்திரா எப்போதும் தனித்துவமானவர். அவரது இயக்கத்திலும், கேமராவிலும் நடித்தால் சாதாரண அழகிக்கூட பேரழகியாக தெரிவர். அப்படிப்பட்ட சுழலில் இயற்கையாகவே பேரழகியாக இருக்கும் சில்க பாலுமகேந்திரா இயக்கத்தில் மூன்றாம் பிறை படத்தில் பூர்ணம் விஸ்வநாத்துக்கு ஜோடியாக நடித்தார். அதிலிருந்தே தெரிந்துகொள்ளலாம் சில்க் எந்த டெம்ப்ளேட்டுக்குள்ளும் அடங்காதவர் என்று.

தவம் இருந்த நடிகர்கள்: சில்க்குடன் நடித்துவிட வேண்டும் என்று பல முன்னணி நடிகர்களே தவம் இருந்ததாக சொல்லப்படுவதுண்டு. மேலும் விநியோகஸ்தர்களும் சில்க் ஆடும் பாடல் இருந்தால்தான் படத்தை வாங்குவோம் என்று கண்டிஷன் போட்ட கதையும் உண்டு. பீக்கில் இருந்தபோது சில்க் ஸ்மிதா தமிழ் மட்டுமின்றி தெலுங்கு, கன்னடம் உள்ளிட்ட மொழிகளிலும் நடித்தார். நிற்பதற்குக்கூட நேரம் இல்லாமல் பம்பரமாய் சுழன்றவர் அவர். ஒருகட்டத்தில் தனிப்பட்ட பிரச்னை காரணமாக தூக்கிட்டு தற்கொலை செய்துகொண்டார்.

பயில்வான் ரங்கநாதன் பேச்சு: இந்நிலையில் நடிகரும், பத்திரிகையாளருமான பயில்வான் ரங்கநாதன் ஒரு வீடியோவில் சில்க் குறித்து பேசியிருக்கிறார். அதில் பேசிய அவர், "நான் ஒரு பத்திரிகையில் வேலை செய்துகொண்டிருந்தபோது எங்கள் கேமரா மேன் முதன்முதலில் சில்க்கை புகைப்படம் எடுத்தார். அந்தப் புகைப்படத்தை பார்த்துவிட்டு வினு சக்கரவர்த்தி என்னிடம் வந்து யார் அந்த பொண்ணு என்று கேட்க; நான் சில்க் ஸ்மிதாவை வினு சக்கரவர்த்தியிடம் அறிமுகப்படுத்தி வைத்தேன். பிறகு அவருக்கு சினிமாவில் நடிக்கும் வாய்ப்பு கிடைத்தது.

இதுதான் காரணம்: நன்றாக வளர்ந்து சம்பாதித்த பிறகு சில்க் ஸ்மிதா மூன்று படங்களை தயாரித்தார் அந்தப் படங்கள் படுதோல்வியடைந்தன. இதனால் அவர் போதை பழக்கத்துக்கு அடிமை ஆனார். சில்க்கிற்கு போதை மருந்து கொடுப்பதற்கென்றே ஒரு மருத்துவர் இருந்தார். அவருக்கு 23 வயதில் ஒரு மகனும் இருந்தார். அந்த டாக்டரின் மகனுக்கு சினிமாவில் நடிக்க வேண்டும் என்று ஆசை. அதை சில்க்கிடமும் சொன்னார்கள். சில்க்கோ அந்த பையனை தான் நடிக்கும் படத்தின் ஷூட்டிங்கிற்கு அழைத்து சென்று தயாரிப்பாளர்கள், இயக்குநர்களிடம் அறிமுகப்படுத்தினார்.

இப்படி தொடர்ந்து அவர் செய்துகொண்டிருந்தார். ஒருகட்டத்தில் சில்க்கையும், தனது மகனையும் இணைத்து அந்த டாக்டர் சந்தேகப்பட ஆரம்பித்துவிட்டார். இது சில்க்கிற்கு பெரும் மன உளைச்சலை கொடுத்துவிட்டது. அதன் பிறகுதான் அவர் தூக்கு மாட்டி உயிரிழந்துவிட்டார். ஆனால் அந்த சாவுக்கு டாக்டர்தான் காரணம் என்பதற்கான எந்த ஆதாரமும் காவல் துறைக்கு கிடைக்கவில்லை. எனவே சில்க்கின் மரணம் மர்மமாகவே இருக்கிறது" என்றார்.