Justice for George Floyd: இரக்கமே இல்லையா.. கழுத்தை நெரித்துக் கொன்ற போலீசார்.. குவிகிறது கண்டனம்

பதற வைக்கும் வீடியோ

ஒரு சாமானிய கருப்பின மனிதரை ஒரு போலீஸ் அதிகாரி தனது முட்டிக் காலால் கழுத்து நசுக்கி கொலை செய்யும் நெஞ்சை பதற வைக்கும் வீடியோ காட்சி வெளியாகி இணையத்தையே உலுக்கிப் போட்டு இருக்கிறது. அந்த சம்பவத்திற்கு மேலும் 3 போலீசார் அருகில் நின்று வேடிக்கை பார்ப்பது நிற வெறியை அப்பட்டமாக தோலுரித்துக் காட்டுகிறது.

மூச்சு விட முடியல

அமெரிக்காவின் மினியாபோலிஸ் நகரத்து போலீசார் George Floyd எனும் அந்த நபரை கார் டயருக்கு அடியில் படுக்க வைத்து யாரும் பார்க்காத வண்னம், கழுத்தை நெரித்து சாகடிக்கிறார். கடைசி மூச்சு இருக்கும் வரை, தன்னால் சுவாசிக்க முடியவில்லை என கதறும் ஜார்ஜின் குரல்கள் கேட்பவர்கள் நெஞ்சை நிலை குலைய செய்கிறது.

கரினா கபூர் கண்டனம்

டைம் இதழின் அட்டை படத்தை பதிவிட்டு 1968ம் ஆண்டு, 2015 மற்றும் தற்போது 2020 என எப்போதும் கருப்பின மக்களுக்கு எதிரான அநீதி தொடர்ந்து கொண்டே இருக்கிறது. கடந்த மே 25ம் தேதி போலீஸ் அதிகாரிகளால் கொல்லப்பட்ட ஜார்ஜ் ஃப்ளாய்டு மரணத்திற்கு கண்டனம் தெரிவித்து பாலிவுட் நடிகை கரீனா கபூர் தனது இன்ஸ்டா பக்கத்தில் பதிவிட்டுள்ளார்.

கிம் கர்தாஷியன் கண்டனம்

பிரபல மாடல் அழகியான கிம் கர்தாஷியன் இந்த கொடூரமான சம்பவத்திற்கு தனது கண்டனத்தை பதிவிட்டுள்ளார். ஜார்ஜ் கொலையில் சம்பந்தப்பட்ட போலீஸ் அதிகாரிகள் நான்கு பேரையும் பணியிடை நீக்கம் செய்யப்பட்டுள்ள நிலையில், அவர்களுக்கு மரண தண்டனை விதிக்க வேண்டும், ஜார்ஜ் மரணத்திற்கு நியாயம் கிடைக்க வேண்டும் என அமெரிக்காவில் போராட்டங்கள் எழுந்துள்ளன.

எல்லா நிறமும் அழகுதான்

வெள்ளை நிறம் மட்டுமே இந்த உலகில் அழகு கிடையாது. அனைத்து நிறங்களுமே அழகு தான் என்ற வாசகங்களுடன் டிவிட்டர், இன்ஸ்டாகிராம் உள்ளிட்ட சமூக வலைதளங்களில் இன வெறிக்காக கொலை செய்யப்பட்ட ஜார்ஜின் மரணத்துக்காக பலரும் கண்டனம் தெரிவித்து வருகின்றனர். ஒரு நிறம், ஒரு இனம், ஒரு மதம் மட்டுமே உயர்ந்தது என்னும் மன நிலை எப்போது தான் மாறுமோ என்று தெரியவில்லை.