கே பாலச்சந்தர் உடல் நிலையில் லேசான முன்னேற்றம்!

இயக்குநர் கே பாலச்சந்தர் உடல் நிலையில் இன்று மேலும் லேசான முன்னேற்றம் காணப்படுவதாக மருத்துவர்கள் தெரிவித்துள்ளனர்.

இரு தினங்களுக்கு முன் உடல் நிலை கவலைக்கிடமானது. அவரை காவேரி மருத்துவமனையில் சேர்த்து தீவிர சிகிச்சை அளித்தனர்.

அவரை ரஜினிகாந்த் உள்பட பல திரையுலகப் பிரபலங்கள் போய்ப் பார்த்து நலம் விசாரித்தனர்.

இந்த நிலையில் கே பாலச்சந்தர் உடல் நிலை மெதுவாக தேறி வருவதாக மருத்துவர்கள் நேற்றிலிருந்து கூறி வருகின்றனர். இன்று அவரை நேரில் பார்த்த நடிகர் விவேக்கும் இதே கருத்தைத் தெரிவித்தார்.

கே பாலச்சந்தரை அருகிலிருந்து கவனித்துக் கொள்ளும் அவரது உதவியாளர் மோகனும், அவர் உடல் நிலை சீரடைந்து வருவதாகத் தெரிவிதார்.