'பொறுத்தது போதும் பொங்கிட வேணும் புயலென வா'.. பத்தாண்டுகளுக்கு பிறகு இளையராஜா இசையில் ஜேசுதாஸ்!

இளையராஜா இசை

தமிழரசன் படத்திற்கு இளையராஜா இசையமைக்கிறார். பழனிபாரதி மற்றும் ஜெய்ராம் ஆகியோர் பாடல்களை எழுதியுள்ளனர்.

புரட்சிகரமான பாடல்

இந்த படத்திற்காக இளையராஜா இசையில் ஜெயராம் எழுதிய "பொறுத்தது போதும் பொங்கிட வேணும் புயலென வா " என்ற புரட்சிகரமான பாடலை ஜேசுதாஸ் பாடியுள்ளார்.

பாடாமல் தவிர்த்த ஜேசுதாஸ்

2009ம் ஆண்டு மம்முட்டி நடித்த பழசிராஜா என்ற மலையாள படத்தில் பாடிய ஜேசுதாஸ் அதற்கு பிறகு எந்த சினிமாவிலும் பாடாமல் தவிர்த்து வந்தார். இந்த தமிழரசன் படத்தில் பாடியது தங்கள் படத்துக்கு கிடைத்த மரியாதை என்கிறது படக்குழு.

இளையராஜா வரவேற்றார்

ஜேசுதாஸுக்கு பூங்கொத்து கொடுத்து இளையராஜாவும் இயக்குனர் பாபு யோகேஸ்வரன் மற்றும் சிவா ஆகியோர் வரவேற்றனர். படத்தில் விஜய் ஆண்டனி பாடும் புரட்சிகரமான பாடலாக ஒலிக்கப் போகிறது.

சென்னையில் படப்பிடிப்பு

படத்தின் படப்பிடிப்பு சென்னையில் பரபரப்பாக நடைபெற்றது. இரண்டு கட்டமாக நடைபெற்ற படப்பிடிப்பு முடிவடைந்தது. அதிரடி ஆக்‌ஷன் படமாக தமிழரசன் உருவாகி வருகிறது.

பத்தாண்டுகள் கழித்து

2009ம் ஆண்டு மம்முட்டி நடித்த பழசிராஜா என்ற மலையாள படத்தில் இளையராஜா இசையில் ஜேசுதாஸ் ஒரு பாடலை பாடினார். அதற்கு பிறகு பத்தாண்டுகள் கழித்து தமிழரசன் படத்தில் பாடியது தங்கள் படத்துக்கு கிடைத்த மரியாதை என்கிறது படக்குழு.