ஷாருக்கான் படமா இது?... வயிற்றெரிச்சல்... விஜய், அட்லியை தரமாக கலாய்த்த தயாரிப்பாளர்!

முகமறியான்

முகமறியான் திரைப்படத்தின் இசைவெளியீட்டுவிழாவில், சென்னையில் நடைபெற்றது. இதில் பேசிய தயாரிப்பாளர் கே ராஜன், அதில், தயாரிப்பாளர்களை மதிக்காத எந்த நடிகரும், நடிகையும் கொஞ்ச நாளைக்குத்தான் நல்லா இருக்க முடியும். தயாரிப்பாளரின் வயிரெறிய வைக்கும் இயக்குநரோ, நடிகரோ நல்லாவே இருக்க முடியாது என்றார்.

தயாரிப்பாளரை மதிப்பதே இல்லை

கங்கைஅமரன், சுந்தர் சி, பிவாசு, ராம் போன்ற இயக்குநர்கள் தயாரிப்பாளர் நன்றாக இருக்க வேண்டும் என்று நினைக்கிறார்கள். சில இயக்குநர்கள் படத்திற்கு பூஜை போட்டதும் தயாரிப்பாளரை மதிப்பதே இல்லை. தயாரிப்பாளரை யாராவது அவமானப்படுத்தினால், தேவை இல்லாத நஷ்டத்தை ஏற்படுத்தினால் அவர்களை நான் கேள்வி கேட்பேன் என்றார்.

ஷாருக்கான் படம்

ஷாருக்கன் நடித்த சக்தே இந்தியா என்ற திரைப்படத்தை சமீபத்தில் பார்த்தேன் அதில், பெண்களுக்கு ஹாக்கி பயிற்சி கொடுத்து உலக மேட்சிற்கு கொண்டு போகிறார் கோச் ஷாருக்கன். இதுதான் படத்தின் ஒன் லைன் கதை. இந்த படம் இந்தியில் மிகப்பெரிய அளவில் ஹிட்டடித்தது.

30 கோடி நஷ்டம்

இந்த திரைப்படத்தை தழுவித்தான் தமிழில் ஒரு படம் எடுக்கப்பட்டது. ஹாக்கியை அப்படியே புட்பால் கேமாக மாற்றிவிட்டார்கள். இந்த படத்தில் முன்னணி ஹீரோ ஒருவர் நடித்திருந்தார். பிரபல இயக்குநர் இயக்கி இருந்தார். இந்த படத்திற்கு ஆன செலவு மட்டும் 300 கோடி, நஷ்டம் 30 கோடி அதை தயாரிப்பாளர் வெளியில் சொல்லவில்லை.

விஜய் அட்லியை கலாய்த்தார்

குறைந்த பட்ஜெட்டில் அழகான கதைக்களத்துடன் எடுக்க வேண்டிய படத்தை பிரம்மாண்டமாக்கி பட்ஜெட்டை எகிறவைத்து தயாரிப்பாளர்களை நஷ்டமடைய செய்கிறார்கள். கொஞ்சமாவது தயாரிப்பாளர்களின் நிலையை நினைத்துப்பாருங்கள் என்று மறைமுகமாக விஜய் மற்றும் அட்லியை கலாய்த்துப் பேசினார் தயாரிப்பாளர் கே.ராஜன்.