சென்னையை மிரட்டும் பேனர்கள்.. தியேட்டர் ரிலீஸ் போன்றே களைக்கட்டும் க/பெ ரணசிங்கம் புரமோஷன்ஸ்!

5 மொழிகளில்

இந்தப் படம் ஜீ ப்ளக்ஸ் ஓடிடி தளத்தில் இன்று வெளியாகிறது. கபெ ரணசிங்கம் படம் தியேட்டர் ஸ்டைலில் காட்சிக்குக் கட்டணம் செலுத்தி பார்க்கும் முறையில் வெளியாகும் முதல் தமிழ் படமாக அமைந்துள்ளது. மேலும் தமிழ், தெலுங்கு, மலையாளம், கன்னடம் மற்றும் இந்தி என 5 இந்திய மொழிகளிலும் ஒரே சமயத்தில் 'க/பெ ரணசிங்கம்' வெளியாகவுள்ளது.

வரவேற்பு

அதோடு பத்துக்கும் மேற்பட்ட இன்டெர்நேஷனல் மொழிகளில் சப் டைட்டிலுக்கும் ஏற்பாடு செய்யப்பட்டுள்ளது. அது மட்டுமின்றி 150 நாடுகளில் ஒரே சமயத்தில் ஜீ ப்ளக்ஸ் ஓடிடி தளத்தில் க பெ ரணசிங்கம் படம் வெளியாகவுள்ளது. இத்திரைப்படத்தின் ட்ரெய்லர் மற்றும் பாடல்கள் ரசிகர்களிடம் நல்ல வரவேற்பைப் பெற்ற நிலையில் இன்று படம் ரிலீஸ் ஆகிறது.

பிரமாண்ட பேனர்கள்

க பெ ரணசிங்கம் திரைப்படத்தை ஒருமுறை பார்ப்பதற்கான கட்டணம் 199 ரூபாய் என நிர்ணயிக்கப்பட்டுள்ளது. இந்நிலையில் படத்திற்கு புரமோஷன் செய்யும் வகையில் சென்னை முழுக்க பிரமாண்ட பேனர்கள் வைக்கப்பட்டுள்ளன. சென்னையின் பல முக்கிய இடங்களிலும் தியேட்டர் வாசல்களிலும் பேனர்கள் வைக்கப்பட்டுள்ளன.

முதல் முறை

தியேட்டரில் ரிலீஸ் செய்வது போன்றே படத்திற்கான விளம்பர பேனர்கள் வைக்கப்பட்டுள்ளன. ஓடிடி தளத்தில் ரிலீஸ் ஆகும் படத்திற்கு இப்படி புரமோட் செய்யப்படுவது இதுவே முதல் முறை என்பது குறிப்பிடத்தக்கது.