4 மொழிகளில் ரிலீசாகும் க/பெ ரணசிங்கம்.. மாபெரும் வெற்றியை தந்த ரசிகர்களுக்கு இயக்குனர் நன்றி !

அனைவருக்கும் நன்றி

தமிழில் மாபெரும் வெற்றியை தந்த ரசிகர்களுக்கும் மக்களிடம் கொண்டு சேர்த்த அனைத்து பத்திரிக்கை மற்றும் ஊடகத் துறை நண்பர்களுக்கும் எனது மனமார்ந்த நன்றியை தெரிவித்துக் கொள்கிறேன் என இயக்குனர் விருமாண்டி கூறியுள்ளார்.

நெகிழ்ச்சி

இந்த நெகிழ்வான தருணத்தில் தனது தந்தை கலைமாமணி பெரியகருப்பத்தேவர், தாயார் அன்னமயில், வாழ்வில் அத்தனை சோதனையான காலகட்டதிலும் தாங்கிப்பிடித்த மனைவி செல்விக்கும், உடன் பிறந்த சகோதரர்கள் கார்த்திக் ,பால்பாண்டி , கோபாலகிருஷ்ணன் மற்றும் குடும்ப உறுப்பினர்கள் அனைவருக்கும் மனமார்ந்த நன்றியை சொல்ல கடமைப்பட்டுள்ளேன் என்று மிகவும் எமோஷனலாக கூறி உள்ளார் .

நீளும் பட்டியல்

க/பெ ரணசிங்கம் திரைப்படத்தில் தன்னுடன் பயணித்த பணிபுரிந்த தொழில்நுட்ப கலைஞர்கள் வசனகர்த்தா நண்பன் சண்முகம் முத்துசாமி,இசையமைப்பாளர் ஜிப்ரான்,பாடலாசிரியர் கவிப்பேரரசு வைரமுத்து ஒளிப்பதிவாளர் NK.ஏகாம்பரம்,சண்டை பயிற்சியாளர் பீட்டர் ஹெய்ன்,படத்தொகுப்பு செய்த சிவாநந்தீஸ்வரன், கலை இயக்குநர் லால்குடி இளையராஜா,நடன இயக்குநர் ராஜூ சுந்தரம்மற்றும் நண்பன் S.K.வெற்றிச் செல்வன், இயக்குனர் தம்பி தாஸ் ராமசாமி மற்றும் இணை, துணை, உதவி இயக்குனர்களுக்கு நன்றி என்று பட்டியலிட்டு சொல்லி உள்ளார் விருமாண்டி ரசிகர்கள் சாத்தியப்படுத்திய வெற்றி சந்தோஷத்தை மட்டுமல்ல அடுத்த படத்திற்கான பொறுப்பையும் தந்துள்ளது என்றார்.

4 மொழிகளில் ரிலீஸ்

மேலும், இனிவரும் தனது படைப்புகளுக்கும் ரசிகர்களின் அன்பையும் ஆதரவையும் தருமாறு கேட்டஅவர், தெலுங்கு, மலையாளம், கன்னடம், ஹிந்தி என பல மொழிகளில் ரிலீஸ் ஆகும் இந்த தருணத்தில் படத்திற்கு ஆதரவு தருமாறு பெ.விருமாண்டி ரசிகர்களை கேட்டு கொண்டு உள்ளார் .