'காலா'வுக்கும் 'பாட்ஷா'வுக்கும் இடையே இத்தனை ஒற்றுமைகளா..?

பாட்ஷா

ரஜினி நடித்த 'பாட்ஷா' திரைப்படம் 1995-ம் ஆண்டு வெளிவந்தது. சுரேஷ் கிருஷ்ணா இயக்கிய இப்படத்தை ஆர்.எம்.வீரப்பன் தயாரித்திருந்தார். இதில் ரஜினியுடன் நக்மா, ரகுவரன், ஜனகராஜ், சரண்ராஜ், ஆனந்தராஜ் உள்பட பலர் நடித்திருந்தார்கள்.

பாட்ஷா - காலா

ரஜினியின் பாட்ஷா திரைப்படம் மெகாஹிட் திரைப்படமாக வெற்றி கண்டது. 'பாட்ஷா' திரைப்படத்தில் பெரிய நாயுடன் இருப்பார் ரஜினி. காலா திரைப்படத்திலும் நாயுடன் போஸ் கொடுக்கிறார் ரஜினி. இரண்டு படங்களுக்கும் வேறு என்னவெல்லாம் ஒற்றுமை இருக்கிறது தெரியுமா?

மும்பை தாதா

காலா படத்தில் ரஜினிகாந்த் மும்பை தாதாவாக வருகிறார். பாட்ஷாவிலும் ரஜினி மும்பையின் நிழல் உலக தாதாவாகவே நடித்திருப்பார். பாட்ஷாவும், காலாவும் மும்பை தமிழர்களின் காட்பாதர்களாக தமிழர்களின் நம்பிக்கைக்குரியவர்களாகவே இருக்கிறார்கள்.

நண்பர்கள்

'பாட்ஷா' மற்றும் 'காலா' ஆகிய இரண்டு படங்களின் கதைக் களமும் தாராவி தான். காலாவின் நண்பராக சமுத்திரகனி நடிக்கிறார். பாட்ஷாவின் நண்பராக சரண்ராஜ் நடித்திருப்பார். இதுதான் இரண்டு படங்களுக்குமிடையே உள்ள வித்தியாசம்.

கருப்பு வேட்டி சட்டை

'பாட்ஷா' படத்தில் ரஜினிகாந்த் கோட் சூட் அணிந்த தாதாவாக நடித்திருப்பார். பின்னாளில் ஆட்டோக்காரராக தன் வாழ்க்கையை மாற்றிக்கொள்வார். 'காலா' படத்தில் வேட்டி சட்டை அணிந்த தாதாவாக வருகிறார் ரஜினி.

வெள்ளி விழா

'பாட்ஷா' வெள்ளி விழா கண்ட படம். 'காலா' வெள்ளி விழா காணுமா என்பது ஏப்ரல் மாத இறுதியில் தெரியும். 'கபாலி' படத்திற்குப் பிறகு ரஜினி நடிப்பில் வெளியாகும் படம் என்பதால் ரசிகர்களிடையே பலத்த எதிர்பார்ப்பு நிலவி வருவது குறிப்பிடத்தக்கது.