தூத்துக்குடி விசிட் சர்ச்சைகள் எதிரொலி... சத்தமில்லாமல் வெளியான காலா வீடியோக்கள்!

சர்ச்சையில் சிக்கிய ரஜினி

தூத்துக்குடி துப்பாக்கிச்சூடு சம்பவத்தில் பாதிக்கப்பட்டவர்களை நேரில் சந்தித்து ஆறுதல் கூற சென்ற ரஜினி பல்வேறு சர்ச்சைகளில் சிக்கினார். சென்னையில் அவர் அளித்த காரசாரமான பேட்டிக்கு பல்வேறு தரப்பில் கண்டனங்களும், எதிர்ப்பு குரல்களும் கிளம்பின. பிரச்சினை பெரிதாவதை உணர்ந்த ரஜினி, உடனடியாக தமது செயலுக்கு வருத்தம் தெரிவித்தார்.

மக்கள் அதிருப்தி

இருப்பினும் ரஜினிக்கு எதிர்ப்பு அலை நிலைவுகிறது. படங்களில் போராட்டம் குறித்து பேசிய ரஜினி, நிஜத்தில் போராட்டங்களுக்கு எதிராக பேசியது மக்கள் மத்தியில் அருத்திப்தியை ஏற்படுத்தியுள்ளது.

எதிர்ப்பு

இதற்கிடையே, கர்நாடகாவில் காலா படத்திற்கு தடைவிதிக்கப்பட்டுள்ளது. காவிரி பிரச்சினை தொடர்பான ரஜினியின் பேச்சுக்கு கர்நாடக அரசியல் அமைப்புகள் தெரிவித்த எதிர்ப்பே இதற்கு காரணம். இந்த காரணங்களால் காலா படம் நெருக்கடியில் சிக்கி இருக்கிறது.

புதிய வீடியோக்கள் ரிலீஸ்

இந்நிலையில் நேற்று வுண்டர்பார் நிறுவனம், காலா படம் தொடர்பான சில வீடியோக்களை சைலண்டாக வெளியிட்டுள்ளது. ஒவ்வொரு விஷயத்தை வெளியிடும்போதும் முன்கூட்டியே டிவிட்டரில் அறிவித்து பரபரப்பை ஏற்படுத்திய தனுஷ், இம்முறையை மேக்கிங் ஆப் காலா, புதிய டீசர், புரோமோ உள்ளிட்ட வீடியோக்களை சத்தமில்லாமல் வெளியிட்டது ஏன் என்ற கேள்வி எழுந்துள்ளது.