'காலா' டீசர் லீக் ஆனதா? - வைரலாகும் 30 விநாடிகள் டீசர் கட்!

காலா ரிலீஸ்

பா.ரஞ்சித் இயக்கத்தில் ரஜினிகாந்த் நடித்துள்ள படம் 'காலா'. சந்தோஷ் நாராயணன் இப்படத்திற்கு இசையமைத்துள்ளார். 'காலா' வரும் ஏப்ரல் 27-ம் தேதி ரிலீஸ் ஆகும் என்று அதிகாரபூர்வமாக அறிவிக்கப்பட்டுள்ளது.

நடிகர்கள்

தனுஷின் வுண்டர்பார் பிலிம்ஸ் தயாரிக்க, லைகா நிறுவனம் வெளியிடும் இந்தப் படத்தில், நானா படேகர், சமுத்திரக்கனி, 'வத்திக்குச்சி' திலீபன், ரமேஷ் திலக், மணிகண்டன், ஹுமா குரேஷி, அஞ்சலி பட்டேல், சாக்ஷி அகர்வால் மற்றும் பலர் நடித்துள்ளனர்.

காலா டீசர் ரிலீஸ்

ரஜினிகாந்த்தின் 'காலா' படத்தின் டீசர் ரிலீஸ் தேதி சமீபத்தில் அறிவிக்கப்பட்டது. மார்ச் 1-ம் தேதி டீசர் வெளியிடப்படும் என தனுஷின் ட்விட்டர் பக்கத்தில் அதிகாரப்பூர்வ அறிவிப்பு வெளியானது.

லீக் ஆன டீசர்?

காலா டீசருக்காக, ரசிகர்கள் காத்திருக்கும் நிலையில், தற்போது 30 விநாகள் டீசர் லீக் ஆகி சமூக வலைத்தளத்தில் வைரலாகியுள்ளது. இந்த டீசரில் ரஜினி முகம் காட்டப்படவில்லை. இது போலியானது என சிலர் கூறிவந்தாலும், டீசர் உண்மையானது போலவே நேர்த்தியாக இருக்கிறது.