Don't Miss!
- Sports RR vs DC : எமோஷனலாக இருக்கேன்.. சஞ்சு சாம்சன் உள்ளே வந்து ஒன்றை சொன்னார்.. ரியான் பராக் நெகிழ்ச்சி!
- News சென்னையில் பிரபல ‛பப்’ மேற்கூரை இடிந்து விழுந்து விபத்து.. மெட்ரோ பணிகள் காரணமா! பகீர் தகவல்
- Automobiles கண்ண மூடிட்டு ஹோண்டா டூவீலர்களை வாங்கும் இந்தியர்கள்! இந்த விஷயம் தெரிஞ்சா விடிஞ்சதும் ஷோரூம்லதான் இருப்பீங்க!
- Education யுபிஎஸ்சி ஐஎஃப்எஸ் தேர்வு நேர்காணல் தேதி அறிவிப்பு
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
- Lifestyle முட்டை வாங்க போறீங்களா? இப்படி பார்த்து வாங்குங்க... இல்லனா பல ஆபத்துக்களை சந்திக்க வேண்டியிருக்கும்...!
- Technology குறைஞ்சது 4 -5 நாள் ஆகும்.. கடைசி நேரத்துல அலையாதீங்க.. Voter ID-க்கான முக்கிய வேலை.. உடனே செஞ்சிடுங்க!
- Finance தொழில்நுட்ப துறையில் தொடரும் பணிநீக்கம்.. பெரு நிறுவனங்களின் அதிரடி முடிவுக்கு காரணம் என்ன?..
'பூ’ ராமு இறுதி ஊர்வலத்தில் பறை அடித்த பிரபல நடிகர்.. அந்த அளவுக்கு அவர் மேல பாசம் இருக்கு!
சென்னை: மறைந்த நடிகர் 'பூ' ராமுவின் இறுதி ஊர்வலத்தில் பிரபல நடிகர் ஒருவர் பறை வாசித்த வீடியோ சமூக வலைதளங்களில் டிரெண்டாகி வருகிறது.
Recommended Video
சிறு வயது முதலே போராட்டக் குணம் கொண்ட 'பூ' ராமு கம்யூனிச சிந்தனைகளால் பலருக்கும் தோழராக அறியப்பட்டார்.
இயக்குநர் மாரி செல்வராஜ் தனது இரங்கல் ட்வீட்டில் கூட போய் வாருங்கள் தோழர் என்றே குறிப்பிட்டு இருந்தார்.
லெஜண்ட் சரவணன் அண்ணாச்சியின் தி லெஜண்ட் ஜுலை 15 ல் ரிலீஸ்...அதிகாரப்பூர்வ அறிவிப்பு
பூ ராமு காலமானார்
சிறந்த எழுத்தாளராக இலக்கிய உலகிற்கு தனது இணையற்ற சேவைகளை புரிந்து வந்தார். இயக்குநர் சசி இயக்கத்தில் வெளியான 'பூ' படத்தில் முக்கிய கதாபாத்திரத்தில் நடித்ததன் மூலமாக 'பூ' ராமு என திரையுலகினரால் கொண்டாடப்பட்டார். தொடர்ந்து நீர்ப்பறவை, தங்க மீன்கள், பரியேறும் பெருமாள், சூரரைப் போற்று மற்றும் கர்ணன் படங்களில் நடித்த 'பூ' ராமு மாரடைப்பு காரணமாக திங்கட்கிழமை மாலை 7 மணியளவில் காலமானார்.
மரணத்திற்கான காரணம்
60 வயதை கடந்த 'பூ' ராமுவுக்கு திடீரென ஏற்பட்ட மாரடைப்பு காரணமாக சென்னை ராஜாஜி அரசு மருத்துவமனையில் அனுமதிக்கப்பட்டார். ஆனால், அங்கே அவருக்கு சிகிச்சை பலனின்றி அவரது உயிர் பிரிந்து விட்டதாக மருத்துவர்கள் அறிவித்ததும் உறவினர்கள் மற்றும் சினிமா நண்பர்கள் உடைந்தே போய் விட்டனர். சமீப காலமாக மாரடைப்பு காரணமாக ஏராளமான நடிகர்கள் உயிரிழந்து வருவது பெரும் சோகத்தை ஏற்படுத்தி உள்ளது.
விஜய்சேதுபதி இரங்கல்
#RIPPooRamu எனும் ஹாஷ்டேக்கை போட்டு பூ ராமுவின் மரண செய்தியை பகிர்ந்து தனது ஆழ்ந்த இரங்கலை நடிகர் விஜய்சேதுபதி தெரிவித்து இருந்தார். கர்ணன் பட இயக்குநர் மாரி செல்வராஜ் "போய் வாருங்கள் தோழர்" என உருக்கமாக ட்வீட் போட்டு தனது மனவேதனை வெளிப்படுத்தி இருந்தார். இந்நிலையில், நடிகர் காளி வெங்கட் செய்த செயல் பலரையும் வியப்பில் ஆழ்த்தி உள்ளது.
பறை அடித்த காளி வெங்கட்
ஊரப்பாக்கம், பெரியார் நகரில் உள்ள அவரது வீட்டுக்கு 'பூ' ராமுவின் உடல் கொண்டு செல்லப்பட்டு செவ்வாய்க்கிழமை மதியம் அவரது இறுதிச் சடங்கு நடைபெற்றது. அதில், கலந்து கொண்ட நகைச்சுவை நடிகர் காளி வெங்கட் பறை அடித்து இறுதி ஊர்வலத்தில் பங்கேற்ற வீடியோ ரசிகர்களை உணர்ச்சி வசப்படுத்தி உள்ளது. முன்னதாக 'பூ' ராமு மருத்துவமனையில் அனுமதிக்கப்பட்டுள்ளார் என்கிற விஷயத்தையே இவர் தான் தனது ட்விட்டர் பக்கத்தில் பதிவிட்டு இருந்தது குறிப்பிடத்தக்கது.