நயனை நினைத்து எழுதியிருப்பாரோ? 2 மில்லியன் பார்வைகளை கடந்த நான் பிழை பாடல்

காத்து வாக்குல ரெண்டு காதல் படம்

நடிகர் விஜய் சேதுபதி, நயன்தாரா, சமந்தா உள்ளிட்டவர்கள் லீட் கதாபாத்திரங்களில் நடித்து விக்னேஷ் சிவன் இயக்கத்தில் உருவாகியுள்ள படம் காத்து வாக்குல ரெண்டு காதல். இந்தப் படம் விரைவில் வெளியாகவுள்ள நிலையில் படத்தின் பிரமோஷன் பணிகள் முடுக்கி விடப்பட்டுள்ளன.

மீண்டும் கூட்டணி

நானும் ரவுடிதான் என்ற படத்தில் இணைந்த விஜய் சேதுபதி -நயன்தாரா -விக்னேஷ் சிவன் கூட்டணி இந்தப் படத்தில் மீண்டும் இணைந்துள்ளது. கூடுதல் சிறப்பாக படத்தில் சமந்தாவும் உள்ளது படத்திற்கான எதிர்பார்ப்பை கூட்டியுள்ளது. அனிருத் இசையில் பாடல்கள் சிறப்பாக அமைந்துள்ளது.

நான் பிழை... நீ மழலை பாடல்

ஏற்கனவே இரண்டு பாடல்கள் வெளியாகி வரவேற்பை பெற்றுள்ள நிலையில் தற்போது விக்னேஷ் சிவன் எழுத்தில் நான் பிழை... நீ மழலை என்ற மெலடி பாடல் வெளியாகியுள்ளது. இந்தப் பாடலை கேட்கும் ரசிகர்கள் காற்றில் பறப்பதாய் உணர்கிறார்கள்.

ஒரே நாளில் 2.4 மில்லியன் வியூஸ்

இந்நிலையில் பாடல் வெளியாகி 24 மணிநேரத்தில் 2.4 மில்லியன் வியூஸ்களை பெற்றுள்ளது. லிரிக் வீடியோ பாடலுக்கு ரசிகர்கள் இத்தகைய வரவேற்பை கொடுத்துள்ளனர். படத்தில் இடம்பெற்றுள்ள காட்சிகளும் கவிதைத்தனமாக உள்ளது ரசிகர்களை வெகுவாக கவர்ந்துள்ளது.

விக்னேஷ் சிவன் இயக்கம்

விக்னேஷ் சிவன் -நயன்தாராவின் ரவுடி பிக்சர்ஸ் நிறுவனம் சார்பில் உருவாகியுள்ள இந்தப் படத்தை விக்னேஷ் சிவன் எழுதி இயக்கியுள்ளார். இந்தப்படம் கொரோனா உள்ளிட்ட காரணங்களால் ரிலீஸ் தள்ளிப் போயுள்ள நிலையில் விரைவில் ரிலீசாக உள்ளது.

ரவுடி பிக்சர்சின் வெளியீடு

கடந்த ஆண்டில் ரவுடி பிக்சர்சின் நெற்றிக்கண், ராக்கி படங்கள் சிறப்பான வெற்றியை பெற்றுள்ளன. மேலும் தொடர்ந்து 4 படங்களை அந்நிறுவனம் தயாரித்து வருகிறது. இந்நிலையில் இந்த ஆண்டின் முதல் வெளியீடாக காத்து வாக்குல ரெண்டு காதல் படம் வெளியாக உள்ளது.