10 மில்லியன் பார்வையாளர்களை தொட்ட "நான் பிழை"!

காது கேட்காத மாற்றுத்திறனாளி

தமிழ் சினிமாவின் இளம் இயக்குனராக கலக்கிக் கொண்டுள்ளார் இயக்குனர் விக்னேஷ் சிவன். போடா போடி என்ற படத்தை இயக்கி தமிழ் சினிமாவில் இயக்குனராக அறிமுகமான விக்னேஷ் சிவனுக்கு நானும் ரவுடி தான் மிகப்பெரிய திருப்புமுனையாக அமைந்தது. நடிகர் விஜய் சேதுபதி மற்றும் நயன்தாரா இணைந்து நடித்து இருந்த இந்த படம் ரசிகர்களுக்கு மத்தியில் அமோக வரவேற்பை பெற்றது மேலும் இந்த படத்தில் நடிகை நயன்தாரா காது கேட்காத மாற்றுத்திறனாளி பெண்ணாக நடித்து அசத்தியிருப்பார்.

மீண்டும் இணைந்த கூட்டணி

குறிப்பாக அனிருத் இசையில் அனைத்து பாடல்களும் சூப்பர் டூப்பர் வெற்றி பெற்றது. காதல், காமெடி , சூப்பர் ஹிட் பாடல்கள் என அனைத்து அம்சங்களும் கொண்ட நானும் ரவுடி தான் திரைப்படம் வெற்றி பெற்றதைத் தொடர்ந்து அந்த கூட்டணி மீண்டும் இணைந்துள்ளது.

காத்துவாக்குல ரெண்டு காதல்

விஜய்சேதுபதி நயன்தாராவை தொடர்ந்து இந்த முறை நடிகை சமந்தாவும் கூடுதலாக இணைந்துள்ளார். மெகா கூட்டணியில் உருவாகி வரும் இந்த படத்திற்கு காத்துவாக்குல ரெண்டு காதல் என வித்தியாசமான டைட்டில் வைக்கப்பட்டுள்ளது. வித்தியாசமான காதல் கதை களத்தில் உருவாகி வரும் இப்படத்தின் படப்பிடிப்பு கோயம்புத்தூர் சுற்றுவட்டார பகுதிகளில் நடைபெற்று முடிந்துள்ளது. தி பேமிலி மேன் வெப் சீரிஸ்வெற்றிக்குப் பிறகு சமந்தா ஹிந்தி திரைப்படத் துறையிலும் கால் தடத்தை பதித்து அடுத்தடுத்த படங்களில் ஒப்பந்தமாகி வர முதல் முறையாக நயன்தாரா மற்றும் சமந்தா இந்தப் படத்தில் இணைந்து நடித்து வருகின்றனர்.

10 மில்லியன் பார்வையாளர்களை

வழக்கம்போல விக்னேஷ் சிவன் இயக்கும் இந்த படத்திற்கு இசையமைப்பாளர் அனிருத் இசையமைக்கிறார் சில வாரங்களுக்கு முன்பு காத்துவாக்குல காதல் படத்திலிருந்து 'நான் பிழை" என்ற அட்டகாசமான ரொமான்டிக் பாடல் வெளியானது. விக்னேஷ் சிவனின் வரிகளில் அனிருத்தின் இனிமையான இசையில் வெளியான இந்த பாடல் அனைவரையும் முணுமுணுக்க வைத்தது. இந்த நிலையில் " நான் பிழை " பாடல் யூடியூப் தளத்தில் 10 மில்லியன் பார்வையாளர்களை கடந்து ட்ரெண்டிங்கில் உள்ளது.