ஒரு கோடியப்பு.. பாகுபலி ஸ்டைலில் விஜய்சேதுபதி, சமந்தா, நயன்தாரா.. டிரெண்டாகும் KRK டீசர்!

காதலர் தின ஸ்பெஷலாக

காத்துவாக்குல ரெண்டு காதல் படம் காதலர் தின ஸ்பெஷலாக இம்மாதம் வெளியாகும் என எதிர்பார்க்கப்பட்ட நிலையில், அதன் டீசர் வெளியாகி உள்ளது. விஜய்சேதுபதி, சமந்தா மற்றும் நயன்தாரா நடிப்பில் ஏகப்பட்ட நாஸ்டாலஜிக் விஷயங்களுடன் உருவாகி உள்ள இந்த படம் வரும் ஏப்ரல் 28ம் தேதி திரையரங்குகளில் வெளியாகிறது.

ஒரே பெட்டில்

விஜய்சேதுபதி பெட்டில் நடுவே படுத்திருக்க இந்த பக்கம் நயன்தாரா அந்த பக்கம் சமந்தா என இருவரும் மாற்றி மாற்றி அவரை இடிக்கும் காட்சிகள் ரசிகர்களை காண்டாக்கி வருகிறது. மேலும், ஏகப்பட்ட ட்ரோல் மீம்களும் அந்த குறிப்பிட்ட காட்சிக்கு பறந்து வருகின்றன. மச்சக்காரன்ப்பா மக்கள் செல்வன் என இளைஞர்களும் சக நடிகர்களும் பொறாமைப்பட்டு வருகின்றனர்.

ஒரு கோடியப்பு

காத்துவாக்குல ரெண்டு காதல் படத்தின் டீசர் பிப்ரவரி 11ம் தேதி மாலை வெளியான நிலையில், பிப்ரவரி 12ம் தேதி மாலைக்குள் 1 கோடி வியூஸ்களை யூடியூபில் கடந்து மின்னல் வேகத்தில் டிரெண்டாகி வருகிறது. அதற்காக புதிய போஸ்டரை வெளியிட்ட விக்னேஷ் சிவன் தனது சந்தோஷத்தையும் வெளிப்படுத்தி உள்ளார்.

பாகுபலி கெட்டப்பில்

2 டு 2 பாடலில் ஏகப்பட்ட பட கெட்டப்பில் விஜய்சேதுபதி, சமந்தா மற்றும் நயன்தாரா வரப்போவது உறுதியாகி உள்ளது.வளையோசை கலகலவென பாடல் காட்சி, பாகுபலி காட்சி என ஏகப்பட்ட சர்ப்ரைஸ்கள் காத்திருக்கின்றன. ஒரு கோடி வியூஸ் வந்த நிலையில், பாகுபலி காட்சி போஸ்டரை இயக்குநர் விக்னேஷ் சிவன் ஷேர் செய்துள்ளார்.

தமிழ்ப்படம் 3

அகில உலக சூப்பர்ஸ்டார் சிவா நடிப்பில் வெளியான தமிழ்ப்படம் பாகங்களை போல ஒருவேளை காத்துவாக்குல ரெண்டு காதல் படம் இருக்குமா? என்கிற கேள்வியையும் இப்படி வித விதமாக மற்ற படங்களை இமிடேட் பண்ணும் காட்சிகள் வெளியாகி வருவதை பார்த்த ரசிகர்கள் தமிழ்ப்படம் 3 எனவும் கமெண்ட் செய்து வருகின்றனர்.