மோசமான படம் என்பதாலேயே என் மகனை நடிக்க வைத்தேன்: கடமான்பாறை பற்றி மன்சூர் அலிகான்

என் மகன்:

இதுபற்றி அவர் மேலும் கூறியதாவது, " இது ஒரு மோசமான படம் என்று தான் நான் சொல்வேன். வேறு யாரையாவது நடிக்க வைப்பதற்கு பதிலாக எனது மகன் அலிகான் துக்ளக்கை நடிக்க வைத்துள்ளேன்.

சூரப்பன்:

படத்தில் நான் ஆதிவாசியாக நடிக்கிறேன். ஒரு காட்டையே எனது காட்டுப்பாட்டில் வைத்திருக்கும் சூரப்பன் எனும் கதாபாத்திரத்தில் நடித்துள்ளேன். என்னை மீறி அந்த காட்டில் இருந்து யாராலும் எதுவும் செய்ய முடியாது. செம்மரக்கட்டை கடத்த முடியாது, கனிமவளங்களை திருட முடியாது.

திகிலூட்டும் காட்சிகள்:

காட்டிலிருந்து எந்த பொருளையும் கடத்த விடாமல் தடுக்கும் என்னிடம் ஒரு காதல் ஜோடி மாட்டிக்கொள்கிறது. அவர்கள் என்னிடம் இருந்து எப்படி தப்பித்தார்கள் என்பதை சுவாரஸ்யமான திரைக்கதையுடன், திகிலூட்டும் காட்சிகளை கொண்டு சொல்லியுள்ளோம்.

விரைவில் ரிலீஸ்:

ஆந்திரா மாநிலத்தில் உள்ள அடர்ந்த காட்டுப் பகுதிகளிலும், பாண்டிசேரி, சென்னை போன்ற இடங்களிலும் படப்பிடிப்பு நடைபெற்றது. விரைவில் இப்படம் திரைக்கு வரும்", என அவர் கூறினார்.