'காதல்' பட புகழ் நடிகர் தண்டபாணி மாரடைப்பால் மரணம் -நடிகர்கள் அஞ்சலி

160 படங்கள்

காதல் படத்தை அடுத்து வில்லன் மற்றும் குணசித்திர வேடங்களில் தமிழ், மலையாளம், தெலுங்கு, கன்னடம் ஆகிய மொழிகளில் சுமார் 160 படங்களில் நடித்துள்ளார் தண்டபாணி.

காதல்

காதல் படம் மூலம் பிரபலமானதால் அவர் காதல் தண்டபாணி என்று அழைக்கப்பட்டார். முதல் படத்திலேயே நடிப்பில் மிரட்டியிருப்பார்.

மரணம்

இன்று அதிகாலை உடல் நலம் பாதிக்கப்பட்டதால் அவரை சென்னையில் உள்ள தனியார் மருத்துவமனைக்கு அழைத்துச் சென்றுள்ளனர். அப்போது அவருக்கு திடீர் என்று மாரடைப்பு ஏற்பட்டு மரணம் அடைந்தார்.

சண்டமாருதம்

தண்டபாணி சரத்குமார் ஹீரோவாக நடித்து வரும் சண்டமாருதம் படத்தில் நடித்து வந்தார். நேற்று கூட அவர் படப்பிடிப்பில் கலந்து கொண்டார்.

அஞ்சலி

தண்டபாணிக்கு நடிகர் சங்க தலைவர் சரத்குமார், நடிகர்கள் சமுத்திரகனி, டெல்லி கணேஷ், இயக்குனர் வெங்கடேஷ், நடிகர் சங்க மேலாளர் நடேசன் ஆகியோர் அஞ்சலி செலுத்தினர்.

இறுதிச் சடங்கு

தண்டபாணியின் இறுதிச் சடங்கு அவரது சொந்த ஊரான திண்டுக்கல்லில் நாளை நடைபெறுகிறது.

குடும்பம்

71 வயதான தண்டபாணிக்கு 3 மகன்கள் மற்றும் 1 மகள் ஆகியோர் உள்ளனர் என்பது குறிப்பிடத்தக்கது.