மிரட்ட போகும் ஹாரர் காமெடி.. காஜல் அகர்வாலுக்கு என்ன ரோல் தெரியுமா?

கோஸ்ட்டி படம்

அதாவது, குலேபகாவலி, ஜாக்பாட் ஆகிய படங்களை இயக்கிய கல்யாண் ஹாரர் காமெடி படம் ஒன்றை இயக்குகிறார். கோஸ்ட்டி என பெயரிடப்பட்டுள்ள இப்படத்தில் காஜல் அகர்வால், போலீஸ் அதிகாரியாக நடிக்கிறார்.

சண்டைக் காட்சிகள்

இதற்காக ஆக்ஷன் காட்சிகளுக்கு என ஸ்பெஷலாக அவருக்கு ட்ரெயினிங் கொடுக்கப்பட்டுள்ளது. கடந்த பிப்ரவரி மாதம் இப்படத்தின் படப்பிடிப்பு தொடங்கியுள்ளது. சண்டைக் காட்சிகளுக்காக ஜெகன் மாஸ்டர் காஜல் அகர்வாலுக்கு பயிற்சி கொடுத்துள்ளார்.

இன்னும் ஓரிரு நாட்கள்

இந்த படத்தின் படத்தின் பெரும்பாலான காட்சிகள் சென்னை மற்றும் புதுச்சேரியில் படமாக்கப்பட்டுள்ளது. இன்னும் ஒரு சில காட்சிகள் மட்டுமே உள்ள நிலையில் அந்த காட்சிகள் இன்னும் ஓரிரு நாட்களில் சென்னையில் படமாக்கப்படும் என தெரிகிறது.

பெரிய நடிகர் பட்டாளம்

கோஸ்ட்டி படத்தில் காஜல் அகர்வாலுக்கு ஜோடி இல்லை என்றும் தகவல் வெளியாகியுள்ளது. மேலும் இந்தப் படத்தில் ஊர்வசி, மொட்ட ராஜேந்திரன், கேஎஸ் ரவிக்குமார், யோகி பாபு, ஜெகன், லிவிங்ஸ்டன், சுரேஷ் மேனன், மயில்சாமி, மனோபாலா, ஆடுகளம் நரேன் உட்பட ஒரு பெரிய நடிகர் பட்டாளமே நடிக்கிறது.