கையில் குழந்தையுடன் திருப்பதியில் சாமி தரிசனம் செய்த காஜல் அகர்வால்.. அந்த நடிகையும் போயிருக்காங்க!

திருப்பதியில் காஜல் அகர்வால்

நடிகை காஜல் அகர்வால் திருப்பதியில் சாமி தரிசனம் செய்த புகைப்படங்களும் வீடியோக்களும் இணையத்தில் டிரெண்டாகி வருகின்றன. நேற்று திருப்பதியில் ஏழுமலையானை தரிசித்து சாமி தரிசனம் செய்திருக்கிறார் நடிகை காஜல் அகர்வால். அந்த வீடியோவை பார்த்த காஜல் அகர்வால் ரசிகர்கள், அவர் கையில் இருந்த அவரது குழந்தையையும் கவனித்தனர்.

குழந்தையுடன் தரிசனம்

கொரோனா லாக்டவுன் நேரத்தில் திடீரென தொழிலதிபரான கவுதம் கிச்சுலு என்பவரை பிரம்மாண்டமான முறையில் ராயல் வெட்டிங் செய்து கொண்டார் காஜல் அகர்வால். இருவருக்கும் உடனடியாக ஆண் குழந்தை பிறந்த நிலையில், அந்த குழந்தைக்கு நீல் என பெயர் வைத்திருந்தார் காஜல் அகர்வால். தற்போது திருப்பதிக்கு மகனுடன் வந்து சாமி தரிசனம் செய்துள்ளார்.

இந்தியன் 2 ஷூட்டிங் அங்கு தான்

ஆந்திராவின் திருப்பதி மற்றும் கடப்பாவில் உள்ள மலைப் பகுதிகளில் தான் இந்தியன் 2 படப்பிடிப்பு நடைபெற்று வரும் நிலையில், கமல்ஹாசன், காஜல் அகர்வால் உள்ளிட்ட முன்னணி நடிகர்கள் திருப்பதியில் உள்ள ஒரு சொகுசு ஹோட்டலில் தங்க வைக்கப்பட்டுள்ளனர். இந்நிலையில், காஜல் அகர்வால் தனது குழந்தையுடன் திருப்பதியில் சாமி தரிசனம் செய்திருக்கிறார்.

பட்டாஸ் ஹீரோயினும்

நடிகை காஜல் அகர்வால் நேற்று திருப்பதியில் சாமி தரிசனம் செய்து வந்த நிலையில், பட்டாஸ் படத்தில் நடித்த நடிகை மெஹ்ரின் பிர்சடாவும் திருப்பதியில் இன்று சாமி தரிசனம் செய்துள்ள வீடியோக்கள் வெளியாகி உள்ளன. வாரிசு படத்திலேயே இவர் நடிப்பதாக சொல்லப்பட்ட நிலையில், இந்தியன் 2 படத்தில் நடித்து வருகிறாரா? என்கிற கேள்விகளை ரசிகர்கள் எழுப்பி வருகின்றனர்.