Click it and Unblock the Notifications
லோகேஷ் கனகராஜ் பட ரீமேக்கில் காஜல் அகர்வால்...எந்த படம் தெரியுமா ?
சென்னை : லோகேஷ் கனகராஜ் இயக்கத்தில் கார்த்தி நடித்த கைதி படம் பிரம்மாண்ட வெற்றியை பெற்றது. இந்த படம் கார்த்தியின் சினிமா வாழ்க்கையில் மைல்கல்லாக அமைந்தது என்றே சொல்லலாம்.
கோலிவுட்டின் சினிமா விதிகளை தகர்த்தெறிந்து, பாடல்களோ, ஹீரோயினோ இல்லாத படமாக கைதி படம் உருவாக்கப்பட்டது. ஹீரோயின் இல்லாமலும் படத்தை இயக்கி, பிரம்மாண்ட வெற்றி பெற வைக்க முடியும் என்பதை கைதி படம் நிரூபித்து காட்டியது.
த்ரில்லர் கைதியாக உருவாக்கப்பட்ட கைதி பிரம்மாண்ட வெற்றி அடைந்ததை அடுத்து, சமீபத்தில் இந்த படத்தை இந்தியில் ரீமேக் செய்ய முடிவு செய்யப்பட்டது. இந்த படத்தில் கார்த்தி நடித்த ரோலில் அஜய் தேவ்கன் நடிக்க உள்ளதாக அறிவிக்கப்பட்டது.
ஆனால் முழுவதுமாக படக்குழு உருவாக்கப்பட்ட பிறகே, நடிகர் - நடிகைகள் பற்றிய அறிவிப்பு வெளியிடப்படும் என கூறப்படுகிறது. இந்தி ரசிகர்களின் ரசனைக்கு ஏற்ப கதையில் சில மாற்றங்களை செய்ய திட்டமிடப்பட்டுள்ளதாம்.
ஒரிஜினல் கதையில் ஒரு பிளாஷ்பேக் வைத்து, ஹீரோயின் வருவது போல் காட்சிகளை வைக்க உள்ளனராம். இதில் அஜய் தேவ்கனின் மனைவியாக காஜல் அகர்வாலை நடிக்க வைக்க பேச்சுவார்த்தை நடத்தப்பட்டு வருகிறதாம். இந்தி ரசிகர்களின் ரசனைக்கு ஏற்ப தேவைப்படும் மாற்றங்களை கொண்டு வர திட்டமிட்டுள்ளது.
இது உறுதியாகும் பட்சத்தில் கைதி இந்தி ரீமேக், காஜல் அகர்வால் நடிக்கும் 6 வது இந்தி படமாக இருக்கும். இதற்கு முன் காஜல் நடித்த லைவ் டெலிகாஸ்ட் வெப் சீரிஸ் ஓடிடி.,யில் வெளியிடப்பட்டு, நல்ல வரவேற்பை பெற்றது
Continue with Google