Don't Miss!
- News கோதுமை பீர்.. ஒரே ஒரு பீர் பாட்டில் விலை இவ்வளவா? இப்பவே குஷியில் குடிமகன்கள்.. ஆனாலும் "இடிக்குதே"
- Finance டெக் மஹிந்திரா முன்னாள் சிஇஓ சிபி.குர்னானி துவங்கிய புது கம்பெனி.. வியந்துபோன ஐடி ஊழியர்கள்..!
- Lifestyle வெளிநாட்டினர் ஏன் பால் சேர்க்கப்பட்ட காபிக்கு பதிலாக எப்போதும் ப்ளாக் காபி மட்டும் குடிக்கிறார்கள் தெரியுமா?
- Technology முடிச்சிட்டாரு முகேஷ் அம்பானி.. மாதம் ரூ.112 போதும்.. 336 நாட்கள் வேலிடிட்டி.. அன்லிமிடெட் கால்.. ஓடிடி சந்தா!
- Sports இன்னும் 6 போட்டிகள் இருக்கு.. என்ன வேண்டுமானாலும் நடக்கலாம்.. பிளே ஆஃப் பற்றி ஆர்சிபி வீரர் ஜாக்ஸ்!
- Automobiles துபாயில் சென்னை விமானத்தை தவறவிட்ட 15 வயது சிறுமி! அடுத்து நடந்த விஷயம் தான் அதிசயம்!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
ஞானவேல் ராஜா, பிரகாஷ் ராஜை வெளுத்து வாங்கிய கலைப்புலி!
சென்னை: தயாரிப்பாளர் சங்கத் தேர்தலில் களமிறங்கி, தயாரிப்பாளர்களுக்கு எதிரான விமர்சனங்களை வைத்த ஞானவேல் ராஜா மற்றும் பிரகாஷ் ராஜை வெளுத்து வாங்கிவிட்டார் சங்கத்தின் இப்போதைய தலைவர் கலைப்புலி தாணு.
நேற்று நடந்த செய்தியாளர் சந்திப்பில் கலைப்புலி தாணுவை தரக்குறைவாக விமர்சனம் செய்திருந்தார் பிரகாஷ் ராஜ், கலைப்புலி தாணுவுக்கு ஒன்றும் தெரியாது... அவருக்கு இன்றைய சினிமா தெரியாது என்றெல்லாம் கூறிய பிரகாஷ் ராஜ், அவரை தற்குறி என்று விமர்சித்திருந்தார்.
அதற்கெல்லாம் பதலிலளிக்கும் விதமாக போட்டுத் தாக்கினார் தாணு.
பிரகாஷ் ராஜ் பற்றிக் கூறுகையில், "தயாரிப்பாளர்களைப் பற்றிப் பேசும் தகுதியே இல்லாதவர் பிரகாஷ்ராஜ். இவரால் எத்தனை தயாரிப்பாளர்கள் பாதிக்கப்பட்டிருக்கிறார்கள் என ஒரு லிஸ்டே போடலாம். தெலுங்கில் எத்தனை முறை இவருக்கு தடைப் போட்டிருக்கிறார்கள்? தமிழ் பேசிவிட்டால், தமிழ்ப் படத் தயாரிப்பாளர்களை கண்டபடி பேச உரிமை வந்துவிடுமா? இவருக்கு பிரச்சினை என்று வந்தபோது அதைத் தீர்க்க முன்வந்தது இதே தயாரிப்பாளர் சங்கம்தான்," என்றார்.
கட்டப்பஞ்சாயத்து நடப்பதாக குற்றம் சாட்டிய ஞானவேல் ராஜாவுக்கு கடும் கண்டனம் தெரிவித்த தாணு, "இந்த இரண்டு ஆண்டு நிர்வாகத்தில் கட்டப்பஞ்சாயத்து எப்போது நடந்தது என்று ஞானவேல் ராஜாவால் கூற முடியுமா? இவரால் சிவகுமார் குடும்பத்துக்கே அவமானம். சிங்கம் 3 படத்தை எத்தனை முறை தள்ளிப்போட்டு மற்ற தயாரிப்பாளர்களின் வயிற்றில் அடித்தார்?
கொம்பன் படத்தை வெளியிட முடியாமல் இதே ஞானவேல்ராஜா தயாரிப்பாளர் சங்கத்தில் அழுதாரே... அப்போது துணைநின்று பிரச்சினையைத் தீர்த்து படம் வெளியிட உதவியது இதே தயாரிப்பாளர் சங்கம்தானே... அது கட்டப்பஞ்சாயத்தா? அந்தப் படத்துக்காக அரசியல் தலைவர்களிடமெல்லாம் பேசி, சுமூகமாக படத்தை வெளியிட்டது இதே தயாரிப்பாளர்கள்தானே... இவர்களைப் பற்றிப் பேச ஞானவேல் ராஜாவுக்கு என்ன தகுதி இருக்கிறது?," என்றார்.