Click it and Unblock the Notifications
கோடிகளை அள்ளிய கல்கி 2898 ஏ.டி.. மிரட்டலான வசூல் வேட்டை.. முதல் நாள் பாக்ஸ் ஆஃபீஸ் கலெக்ஷன் இதுவா?
சென்னை: தமிழ்நாட்டில் புரோமோஷனே செய்யவில்லை என்றாலும் முதல் நாள் முதல் காட்சிக்கு ஹவுஸ்ஃபுல் காட்சியாக திரையிடப்பட்ட படமாக மாறியது நேற்று அதாவது ஜூன் 27ஆம் தேதி ரிலீஸ் ஆன கல்கி 2898 ஏ.டி (Kalki 2898 A.D). நான்கு ஆண்டுகள் மிகவும் மெனக்கெட்டு உருவாக்கியுள்ள இந்த படத்திற்கு எங்கு திரும்பினாலும் நல்ல ரிவ்யூக்களே வந்து கொண்டு உள்ளது. குறிப்பாக மகாபாரதக் கதையை அறிவியல் தொழில்நுட்பம் நாம் கற்பனை செய்து பார்க்க முடியாத அளவிற்கு வளர்ந்து பின்னர் நடைபெறும் மாற்றங்களை தனது அசாத்திய கற்பனையால் சி.ஜி காட்சிகளை உருவாக்கி ரசிகர்களுக்கு மிரட்டலான அனுபவத்தை ஏற்படுத்தியுள்ளார் இயக்குநர் நாக் அஸ்வின்.
படம் பல்வேறு பாகங்களைக் கொண்டுள்ளது என்பதில் சந்தேகம் இல்லாத அளவிற்கு இறுதியாக முடிக்கும்போது கல்கி சினிமேட்டிக் யுனிவர்ஸ் என முடிக்கும்போதே ரசிகர்களுக்கு உற்சாகத்தை அதிகரித்துவிட்டது படக்குழு. படத்தில் பிரபாஸ்தான் ஹிரோ என படக்குழு சொன்னாலும், படத்தில் வரும் காட்சிகளைப் பார்க்கும்போது அமிதாப் பச்சன் தான் கதாநாயகன் என நமக்குள் ஒரு எண்ணத்தை உருவாக்கிவிடும் அளவிற்கு காட்சிகளை அட்டகாசமாக ஏற்படுத்திக் கொடுத்துள்ளது படக்குழு.
பிரபாஸ், அமிதாப் பச்சன் என இருவரும் தங்களுக்கான ஸ்கிரீன் டைமில் கலக்கினால், சொற்பமான நேரங்களே வரும் கமல் ஹாசன் படத்தின் க்ளைமேக்ஸ் காட்சியில் அனைவரையும் தூக்கி சாப்பிட்டு விடுகின்றார். சூப்பர் ஹீரோ சப்ஜெக்ட் பிடித்த ரசிகர்களுக்கும் இந்த படம் விசுவல் ட்ரீட், ஒரு திருப்திகரமான படத்தை பார்க்கவேண்டும் என நினைத்து போகின்றவர்களுக்கும் இந்த படம் ஒரு தரமான விசுவல் ட்ரீட் என்றே கூறவேண்டும். 3டி-யில் படம் பார்க்கும் ரசிகர்களில் பெரும்பாலானோர்களுக்கு இந்த படம் கட்டாயம் திருப்திகரமான படம்தான்.
சந்தோஷ் நாராயணன்: படத்தின் திரைக்கதையில், காட்சி வடிவமைப்புகளில், சண்டைக் காட்சிகளில் வசனங்களில் இயக்குநர் ஸ்கோர் செய்து கொண்டே போகின்றார் என்றால், நடிப்புகளில் அனைவரும் கெத்து காட்டுகின்றனர். ஆனால் இவர்களை அனைவரையும் தூக்கிச் சாப்பிடும் அளவிற்கு சந்தோஷ் நாராயணன் இசை படத்தின் மிகப்பெரிய பலமாக அமைந்துள்ளது. குறிப்பாக ஒரு சில இடங்களில் சந்தோஷ் நாராயணன் ஹம்மிங் செய்கின்றார். அந்த காட்சிகளில் அவரது குரல், அந்த காட்சிகளை தூக்கி நிறுத்துகின்றது.
முதல் நாள் வசூல்: உலகம் முழுவதும் ரிலீஸ் செய்யப்பட்ட இந்த படத்திற்கு அனைத்து இடங்களில் இருந்தும் பாசிடிவ் ரெஸ்பான்ஸ்தான். இந்தியாவில் மட்டும் தமிழ், மலையாளம், கன்னடம், தெலுங்கு மற்றும் ஹிந்தி என ரிலீஸ் செய்யப்பட்டது. இதில் 3டி காட்சிகளும் 3டி இல்லாத 2டி காட்சிகளும் ஒளிபரப்பப்பட்டது. இந்தியாவில் மட்டும் கிட்டத்தட்ட 10 ஆயிரத்துக்கும் மேற்பட்ட காட்சிகள் ஒளிபரப்பப் பட்டது. இதன்மூலம் இந்தியாவில் மட்டும் இந்த படம் கிட்டத்தட்ட ரூபாய் 115 கோடி வசூலை அள்ளி இருக்கும் என திரைப்படங்களின் பாக்ஸ் ஆஃபீஸ் குறித்த தகவலை வெளியிடும் சாக்நிக் வலைதளம் தெரிவித்துள்ளது. மேலும் வெளிநாடுகளில் ரூபாய் 65 கோடி வசூலை அள்ளியிருக்கும் எனவும் தெரிவித்துள்ளது.
பாக்ஸ் ஆஃபீஸில் சாதனை: இதன் அடிப்படையில் கல்கி 2898 ஏ.டி படம் தனது முதல் நாள் வசூலில் கிட்டத்தட்ட ரூபாய் 185 கோடியை அள்ளியிருக்கும் எனவும் அந்த வலைதளம் குறிப்பிட்டுள்ளது. அதேபோல் படத்தின் முதல் நாள் வசூல் 200 கோடியைக் கடந்தும் இருக்கலாம் எனவும் கூறப்படுகின்றது. பாராட்டு மழையில் நனைந்துவரும் கல்கி 2898 ஏ.டி படம் இந்திய சினிமாக்களில் இதுவரை அள்ளாத வகையில் அள்ளப்போகின்றது. பாக்ஸ் ஆஃபீஸில் சாதனை மேல் சாதனை படைக்கப்போகின்றது எனவும் பல திரைப்பிரபலங்கள் குறிப்பிட்டுள்ளனர்.
Continue with Google