Click it and Unblock the Notifications
எதிர்பார்ப்பை எகிற வைக்கும் கல்கி 2898 ஏ.டி.. டிரைலர் ரிலீஸ் தேதியை அறிவித்த படக்குழு!
சென்னை: பாகுபலி படத்தின் மூலம் தமிழ் சினிமா ரசிகர்கள் மத்தியில் தனக்கென தனி இடம் அமைத்துக் கொண்டவர் நடிகர் பிரபாஸ். இவரது நடிப்பில் அண்மையில் வெளிவந்த சலார் திரைப்படம் ஓவர் பில்டப் என விமர்சகர்களால் விமர்சிக்கப்பட்ட பின்னரும் கூட, இந்த படத்தின் இரண்டாம் பாகத்திற்கு ரசிகர்கள் மத்தியில் ஆவல் உள்ளது. இந்நிலையில் நடிகர் பிரபாஸ் நடிப்பில் பிரமாண்ட பொருட்செலவில் உருவாகியுள்ள திரைப்படம் "கல்கி 2898 ஏ.டி". இப்படம் தொடங்கப்பட்ட காலத்தில் இருந்து இந்தப் படத்தின் மீதான எதிர்பார்ப்பு எகிற மற்றொரு காரணம் படத்தில் உலக நாயகன் கமல்ஹாசன் வில்லனாக நடிக்கின்றார் என்பதுதான். இந்நிலையில் படத்தின் ட்ரைலர் ரிலீஸ் தேதியை படக்குழு அறிவித்துள்ளது.
கல்கி 2898 ஏ.டி: நாக் அஸ்வின் இயக்கியுள்ள கல்கி 2898 ஏ.டி படத்தை வைஜெயந்தி மூவிஸ் நிறுவனம் தயாரித்துள்ளது. ஒட்டுமொத்த இந்திய சினிமாவில் உள்ள மிகப்பெரிய ஸ்டார்கள் நடிப்பில் இப்படம் உருவாக்கப்பட்டுள்ளதால், நடிகர்களுக்கான சம்பளத்திற்கே அதிகப்படியான பொருட்செலவை தயாரிப்பு நிறுவனம் செய்துள்ளது. கல்கி 2898 ஏடி படத்தில் பிரபாஸூடன், பாலிவுட் சூப்பர் ஸ்டார்அமிதாப்பச்சன், உலக நாயகன் கமல் ஹாசன், அதிரடிக்கு பெயர்போன நடிகை தீபிகா படுகோன், திஷா பதானி, அன்னா பென் உள்ளிட்ட உச்ச நட்சத்திரங்கள் நடித்துள்ளனர். இந்த படத்திற்கு இசையமைப்பாளர் சந்தோஷ் நாராயணன் இசையமைத்து வருகின்றார்.
எதிர்பார்ப்பை பூர்த்தி செய்வாரா சந்தோஷ்?: வழக்கமாக ஒரு படத்தின் கதைக்களத்திற்குச் சென்று அங்குள்ள இசைக்கருவிகளை வைத்து இசையமைக்கும் பழக்கத்தைக் கொண்டுள்ள இசையமைப்பாளர் சந்தோஷ் நாராயணன், இந்த படத்தில் என்ன மாதிரியான சம்பவத்தைச் செய்துள்ளார் என்பதை காணவே ரசிகர்கள் பலர் காத்துக்கொண்டு உள்ளனர். குறிப்பாக பல சூப்பர் ஸ்டார்கள் நடித்திருப்பதால் பின்னணி இசையில் என்ன செய்யப்போகின்றார் என்ற கேள்வியும், அவரைச் சுற்றிக்கொண்டு உள்ளது.
இந்நிலையில் படத்தின் டிரைலர் ரிலீஸ் தேதிதியை படக்குழு தெரிவித்துள்ளது. அதன்படி, வரும் 10ஆம் தேதி படத்தின் டிரைலர் ரிலீஸ் ஆகவுள்ளது என தெரிவிக்கப்பட்டிருப்பதால், ரசிகர்கள் செம குஷியாகியுள்ளனர். மேலும், 10ஆம் தேதியில் எந்த நேரத்தில் ரிலீஸ் ஆகும் என்பதை படக்குழு தற்போது வெளியிட்டுள்ள அறிவிப்பில் குறிப்பிடவில்லை. ஏற்கனவே படக்குழு தரப்பில் படம் வரும் 27ஆம் தேதி ரிலீசாகவுள்ளது என தெரிவித்திருந்தது.
குஷியில் கமல் ரசிகர்கள் : கல்கி 2898 ஏ.டி திரைப்படம் வரும் 27ஆம் தேதியும், இந்தியன் 2 திரைப்படம் ஜூலை மாதம் 12ஆம் தேதியும் ரிலீசாகவுள்ளதால், உலக நாயகன் கமல் ஹாசன் ரசிகர்களுக்கு மிகவும் பிரமாண்டமான திரை விருந்து காத்திருக்கின்றது என்றே கூறலாம். அதாவது கிட்டத்தட்ட இரண்டு வார இடைவெளியில் கமல் ஹாசன் நடிப்பில் இரண்டு படங்கள் வெளியாகவுள்ளதால் உலக நாயகனின் ரசிகர்கள் ஏகப்பட்ட குஷியில் உள்ளனர்.
இந்தியன் 2 : 1996ஆம் ஆண்டு இயக்குநர் ஷங்கர் இயக்கத்தில் கமல் ஹாசன், மனீஷா கொய்ராலா, சுகன்யா, கவுண்டமணி, செந்தில் உள்ளிட்டவர்கள் நடிப்பில் வெளிவந்து பிரமாண்ட வெற்றி பெற்ற திரைப்படம் இந்தியன். இப்படத்திற்கு இசைப்புயல் ஏ.ஆர். ரகுமான் இசை அமைத்திருந்தார். இந்நிலையில், இப்படத்தின் தொடர்ச்சியாக இரண்டாம் பாகத்தினை இயக்குநர் ஷங்கர் இயக்க, கமல் ஹாசன் நடிப்பில் படம் உருவாகி ரிலீசுக்காக காத்துக்கொண்டு உள்ளது. இப்படத்திற்கு இசையமைப்பாளர் அனிருத் இசையமைத்துள்ளார். இப்படத்தின் இசை வெளியீட்டு விழா அண்மையில் சென்னையில், மிகவும் பிரமாண்டமாக நடைபெற்றது.
Continue with Google