தமிழ் நல்லா தெரிஞ்சும் வாய்ப்பில்லையே... ஏங்கிய கல்கி கோச்சலினுக்கு வாய்ப்பு கொடுத்த விக்னேஷ் சிவன்

கோஸ்ட் ஸ்டோரிஸ்

இதற்கிடையெ வெப் சீரிஸ் ஒன்றை அவர் இயக்கியுள்ளார். இந்தியில் லஸ்ட் ஸ்டோரிஸ் என்ற வெப் தொடர் வெளியானது. அதை அனுராக் காஷ்யப், ஸோயா அக்தர், திபாகர் பானர்ஜி, கரண் ஜோஹர் ஆகிய நான்கு இயக்குனர்கள் இயக்கி இருந்தனர். பின்னர் இவர்களே கோஸ்ட் ஸ்டோரிஸ் என்ற தொடரை இயக்கி இருந்தனர்.

நான்கு இயக்குனர்கள்

அதே போல தமிழிலும் வெப் தொடர் ஒன்றை நான்கு இயக்குனர்கள் இயக்குகின்றனர். இயக்குனர்கள் வெற்றிமாறன், கவுதம் வாசுதேவ் மேனன், விக்னேஷ் சிவன், சுதா கொங்கரா ஆகியோர் அவர்கள். சுதா கொங்கரா இயக்கும் தொடரில் நடிகர் ஜெயராமின் மகன் காளிதாஸ் நடிக்கிறார். இதன் ஷூட்டிங் சென்னையில் தொடங்கியுள்ளது.

விவாகரத்து

விக்னேஷ் சிவன் இயக்கும் தொடரில் இந்தி நடிகை கல்கி கோச்சலின் நடித்துள்ளார். இவர் பாண்டிச்சேரியில் பிறந்து வளர்ந்தவர். ஏராளமான இந்தி படங்களில் நடித்துள்ள கல்கி, இந்தி பட இயக்குனர் அனுராக் காஷ்யப்பை காதலித்து திருமணம் செய்துகொண்டனர். கருத்து வேறுபாடு காரணமாக பிரிந்த இவர்கள், 2015 ஆம் ஆண்டு விவாகரத்து பெற்றனர்.

கர்ப்பமாக இருக்கிறார்

பின்னர் கய் ஹெர்ஸ்பர்க் என்பவரை காதலித்துவரும் கல்கி, இப்போது கர்ப்பமாக உள்ளார். இதற்கிடையே தமிழ் நன்றாக பேசத் தெரிந்தும் தனக்கு தமிழில் நடிக்க வாய்ப்பில்லை என்று கூறிவந்தார். இந்நிலையில் அஜித்தின் 'நேர்கொண்ட பார்வை' படத்தில் ஒரு பாடலில் நடிக்க வாய்ப்பு கிடைத்தது. இதையடுத்து விக்னேஷ் சிவன் இயக்கத்தில் வெப்சீரிஸில் நடித்துள்ளார்.