எனக்கு புற்றுநோய், 1-2 ஆண்டு தான் உயிருடன் இருப்பேன்: பிக் பாஸ் பிரபலம் பகீர் தகவல்

புற்றுநோய்

எனக்கு வயிற்றில் புற்று நோய் அதுவும் 3வது ஸ்டேஜில் இருப்பது உறுதி செய்யப்பட்டுள்ளது. அதனால் நான் இன்னும் 1-2 ஆண்டுகள் தான் வாழ்வேன் என்று கேஆர்கே ட்விட்டரில் தெரிவித்துள்ளார்.

வெறுப்பு

எனக்கு யாருடைய பரிதாபமும் தேவையில்லை. நான் சீக்கிரம் இறக்கப் போகிறேன் என்பதை உணர்த்தும் யாருடைய போன் காலையும் எடுக்க மாட்டேன். முன்பு போன்றே என்னை வெறுக்கும், விரும்பும் மக்களை பாராட்டுவேன் என்கிறார் கேஆர்கே.

பச்சன்

என் இரண்டு ஆசைகளை நிறைவேற்ற முடியாமல் போய்விடுமே என்ற கவலை தான் எனக்கு. ஏ கிரேட் படத்தை தயாரிக்க வேண்டும், அமிதாப் பச்சன்ஜியுடன் சேர்ந்து ஒரு படத்தில் நடிக்க வேண்டும் இல்லை அவரை வைத்து தயாரிக்க வேண்டும். இந்த இரண்டு ஆசைகளும் என்னுடன் இறந்து போகும் என்று வருத்தப்பட்டுள்ளார் கேஆர்கே.

நேரம்

இனி இருக்கும் நேரத்தை என் குடும்பத்தாருடன் செலவிட விரும்புகிறேன். நீங்கள் என்னை வெறுத்தாலும் சரி, விரும்பினாலும் சரி நான் உங்கள் அனைவரையும் விரும்புகிறேன் என்று கேஆர்கே தெரிவித்துள்ளார்.