Click it and Unblock the Notifications
சென்னை சர்வதேச திரைப்பட விழா.. கமல்- அமீர்கான் தொடங்கி வைக்கிறார்கள்
8 நாட்கள் நடக்கும் இந்த விழாவை கமல் ஹாஸன் மற்றும் அமீர்கான் தொடங்கி வைக்கிறார்கள். நிறைவு விழாவில் மோகன் லால் கலந்து கொள்கிறார்.
மக்களின் பணத்தை இந்த விழாவுக்கு அரசு வாரிக் கொடுப்பதால், தொடக்க விழாவில் தமிழக அரசின் செய்தித் துறை அமைச்சரும் பங்கேற்கிறார்.
சென்னை லேடி ஆண்டாள் பள்ளியில் உள்ள வெங்கடசுப்பாராவ் நினைவு அரங்கில் திரைப்பட விழாவின் தொடக்க, இறுதி நிகழ்ச்சிகள் நடக்கிறது.
8 அரங்குகளில் படங்கள் திரையிடப்பட உள்ளன. அவை, அபிராமி மெகா மால், உட்லண்ட்ஸ் காம்ப்ளக்ஸ், கேசினோ, ஐநாக்ஸ், ராணி சீதை ஹால் ஆகியவைதான் இந்த 8 அரங்குகள்.
இந்த விழாவில் பங்கு பெற பல்வேறு நாடுகளிலிருந்தும் செய்தியாளர்கள், பல நாட்டு தூதர்கள், இயக்குநர்கள் பங்கேற்கிறார்கள்.
திரைப்படங்கள் குறித்த விவாத கருத்தரங்குகளும் நடைபெற உள்ளது. இந்த ஆண்டு அமிதாப் பச்சன் பெயரில் இளம் சாதனையாளருக்கான விருது அறிமுகப்படுத்தப்படுகிறது. மொத்தம் 58 நாடுகளிலிருந்து 163 படங்கள் சென்னை திரைப்பட விழாவில் கலந்து கொள்கின்றன.
Continue with Google