சத்தமில்லாமல் கவின், லாஸ்லியாவுக்கு விருந்து கொடுத்த கமல்.. வைரலாகும் புகைப்படம்!

கமல் கொடுத்த விருந்து

இந்நிலையில் கவின் லாஸ்லியா சாண்டி மற்றும் அபிராமிக்கு கமல் விருந்து கொடுப்பது போன்ற புகைப்படம் ஒன்று தற்போது இணையத்தில் வைரலாகியுள்ளது. கவிலியா ஆர்மியினர் அப்புகைப்படத்தை மகிழ்ச்சியுடன் பகிர்ந்து வருகின்றனர்.

போட்டோஷாப் செய்யப்பட்டது

உண்மையில் அப்புகைப்படம் போட்டோஷாப் செய்யப்பட்ட ஒன்று தான். கமல் யாருக்கும் விருந்து கொடுக்கவில்லை. ஆனாலும் அவர்கள் மீது அதீத பாசம் கொண்ட யாரோ ஒரு தீவிர ரசிகர் பார்த்த வேலையாக தான் இது இருக்க வேண்டும்.

இலங்கையில் லாஸ்லியா

மற்றொருபுறம் லாஸ்லியா தற்போது தமிழ்நாட்டிலேயே இல்லை. மீண்டும் இலங்கை சென்றுவிட்டார். அதோடு பிக் பாஸ் நிகழ்ச்சிக்கு பிறகு கவினும், லாஸ்லியாவும் மீண்டும் சந்தித்து கொண்டதாகவே தெரியவில்லை. எனவே ரசிகர்கள் தங்களது ஆசைகளை எல்லாம் நிறைவேற்றிக்கொள்ளும் வகையில் இப்படி ஒரு போட்டோஷாப் புகைப்படத்தை வெளியிட்டுள்ளனர் போலும்.

பிக் பாஸ் கொண்டாட்டம்

கடந்த வாரம் பிக் பாஸ் கொண்டாட்ட நிகழ்ச்சிக்கான படப்பிடிப்பு நடந்தது. அப்போது கவினும் லாஸ்லியாவும் தனித்தனியே அமர்ந்திருப்பது போன்ற புகைப்படம் வைரலானது. அதில் கவின் பட்டு வேட்டி சட்டையில் மாப்பிள்ளை போல் அமர்ந்திருந்தார் என ரசிகர்கள் கமெண்ட் செய்தது குறிப்பிடத்தக்கது.