கதர் ஆடையை கையில் எடுத்த கமல்.. புதிய ஃபேஷன் பிராண்ட் ‘KH’ .. போட்டியாளர்களுக்கு கதர் துணி பரிசு!

கதர் காதல்

காந்திய சிந்தனைகளில் பெரிதும் ஈர்க்கப்பட்ட கமல்ஹாசன், காந்தி கடைசி வரை பயன்படுத்திய கதர் ஆடையை ஃபேஷன் உலகிற்கு ஏற்ப எப்படி அப்கிரேட் செய்வது என்கிற முயற்சியில் தொடர்ந்து ஈடுபட்டு வந்தார். பிக் பாஸ் நிகழ்ச்சியின் ஒவ்வொரு வாரத்திலும் கமல் அணிந்து வந்த கலர்ஃபுல் கோட்சூட் எல்லாமே கதர் ஆடை தான் என்பது குறிப்பிடத்தக்கது.

புதிய பிராண்ட்

இந்நிலையில், கிராண்ட் ஃபினாலேவில் தனது புதிய பிராண்டான கமல் ஹாசன் சுருக்கமாக KH எனும் கதர் ஆடை நிறுவனத்தை அறிமுகப்படுத்தினார் கமல்ஹாசன். அதன் பிராண்ட் லோகோவும் கதர் தறி போலவும் KH என்ற வார்த்தைகளுடன் அழகாக டிசைன் செய்யப்பட்டு இருந்தது.

அனைவருக்கும் கதர்

ஏற்கனவே வாக்குறுதி கொடுத்தது போல அனைத்து போட்டியாளர்களுக்கும் வித விதமான ஃபேஷன் உடைகளாக கதர் ஆடைகளை பரிசாக அளித்தார் கமல்ஹாசன். மேலும், இந்த கிராண்ட் ஃபினாலே நிகழ்ச்சியிலே அதை அணிந்து வந்து அமர வேண்டும் என்றும் ஷெரின் வந்த கேப்பி அவர்களுக்கு பிரேக் கொடுத்தார்.

கதரிலும் ஃபேஷன்

தாத்தா கால உடைகளாக மட்டுமே கதர் ஆடை இருக்கும் என்கிற எண்ணத்தை மாற்றி டிரெண்ட் செட்டராக கதர் ஆடையும் எதிர்காலத்தில் இந்தியாவில் மக்கள் பயன்பாட்டி வரும் என நம்பிய கமல்ஹாசன், அனைவருக்கும் கதர் ஆடையை கொடுத்திருந்தார். ஹவுஸ்மேட்கள் கதர் ஆடையை அணிந்து கொண்டு சூப்பராக கலக்கினர்.

தறி கெட்டுப் போகக்கூடாது

இது நம்ம பாரம்பரிய உடை, கதர் ஆடைகளை மெஷின் உருவாக்கவில்லை. கைத்தறி நெசவாளர்கள் கஷ்டப்பட்டு உருவாக்குகிறார்கள். தறி கெட்டுப் போகக் கூடாது என்கிற வார்த்தைக்கு அர்த்தமே எனக்கு தாமதமாகத்தான் புரிந்தது. இளைஞர்களும் கதர் ஆடைகளை பயன்படுத்த வேண்டும் என்றும் கோரிக்கை வைத்தார்.