அந்தகாரம் படக்குழுவிற்கு ஆசிர்வாதம் கிடைத்தது..அட்லி நெகிழ்ச்சி ட்விட்!

இயக்குனராகவும், தயாரிப்பாளராகவும்

இயக்குனர் அட்லீ பிரம்மாண்ட இயக்குனர் ஷங்கர் அவர்களின் துணை இயக்குநர் ஆவார். ராஜா ராணி, தெறி, மெர்சல், பிகில் போன்ற வெற்றி படங்களை இயக்கிய இவர் அடுத்து பாலிவுட் பிரபலம் ஷாருகானை வைத்து படம் இயக்க உள்ளார். அட்லீ தயாரிப்பாளராக ஜீவா நடித்த சங்கிலி புங்கிலி கதவை திற படத்தை தயாரித்திருந்தார். அந்த படம் நல்ல வரவேற்பை பெற்றது. அதையடுத்து அவருடைய தயாரிப்பில் வெளியான அந்தகாரம் பலரின் பாராட்டை பெற்று வருகிறது.

சிக்சர் அடித்தார்

இந்த படத்தின் இயக்குனர் விக்னராஜனுக்கு இது முதல் படமாகும். முதல் படத்திலேயே வித்தியாசமான கதைகளத்தை வைத்து ரசிகர்களை அவர் பக்கம் திரும்பி பார்க்க வைத்துள்ளார் விக்னராஜன்.

சிறந்த நடிப்பு

கைதி படத்தில் வில்லனாக நடித்து பிரபலமான அர்ஜுன் தாஸ், நான் மகான் அல்ல படத்தில் நடித்த வினோத் கிஷன் ஆகியோர் இந்த படத்தில் முக்கிய வேடத்தில் நடித்துள்ளனர். அர்ஜுன் தாஸ் ரசிகர்கள் எதிர்பார்த்தது போல் நல்ல நடிப்பை வெளிப்படுத்தி இருந்தார். வினோத் கிஷன் கண் பார்வை இல்லாத ஒருவராக இதில் தனது நேர்த்தியான நடிப்பை வெளிப்படுத்தி இருந்தார்.

அட்லீயின் ட்வீட்

உலகநாயன் கமல்ஹாசனிடம் ஆசி பெற்றதை பற்றி இயக்குனரும் இந்த படத்தின் தயாரிப்பாளருமான அட்லீ அவருடைய ட்விட்டர் பக்கத்தில் பதிவிட்டு இருந்தார். இமஙர எங்கள் படக்குழுவுக்கு ஆசிர்வாதம் கிடைத்தது. எங்களுக்கு பக்க பலமாகவும், உறுதுணையாகவும் இருப்பதற்கு நன்றி எனவும் அவருடைய வார்த்தைகள் எப்பொழுதும் எங்களுக்கு ஏதாவது புதிதாக முயற்சிக்க ஊக்கமளிப்பதாகவும் அவர் கூறி இருந்தார்.