வெற்றி முத்தம்.. விஜய்சேதுபதி, உதயநிதி, அனிருத், லோகேஷுக்கு கமலின் லைஃப் டைம் செட்டில்மெண்ட்!

விஜய்சேதுபதிக்கே குரு

முத்தம் கொடுப்பதில் விஜய்சேதுபதிக்கு குரு தான் என மீண்டும் நிருபித்துள்ளார் நடிகர் கமல். விக்ரம் படத்தின் வெற்றி விழாவில் படத்தின் வெற்றிக்கு உறுதுணையாக இருந்த அனைவருக்கும் கறி விருந்து கொடுத்தது மட்டுமின்றி அன்பு முத்தங்களையும் பரிசாக கொடுத்துள்ளார் கமல்ஹாசன். அதன் புகைப்படங்கள் தற்போது சமூக வலைதளங்களில் டிரெண்டாகி வருகிறது.

உதயநிதிக்கு முத்தம்

கமலையும் யாராலும் மிரட்ட முடியாது என விக்ரம் டிரைலர் வெளியீட்டு விழாவிலேயே பேசிய உதயநிதி ஸ்டாலின் விநியோகஸ்தராக இந்த படத்தின் மூலம் மிகப்பெரிய லாபத்தை அடைந்துள்ளார். தமிழ்நாட்டில் மட்டும் விக்ரம் படத்தின் ஷேர் 75 கோடியை கடந்து இதுவரை எந்த தமிழ் சினிமாவும் செய்யாத சாதனையை செய்திருப்பதாக கூறினார். இந்நிலையில், அவருக்கும் கமல் முத்தம் கொடுத்துள்ளார்.

லைஃப் டைம் பரிசு

இயக்குநர் லோகேஷ் கனகராஜுக்கு லெக்சஸ் கார், நடிகர் சூர்யாவுக்கு ரோலெக்ஸ் வாட்ச், உதவி இயக்குநர்களுக்கு இரு சக்கர வாகனங்கள் என பரிசு கொடுத்து வந்த கமல், விஜய்சேதுபதி, பகத் ஃபாசில், அனிருத்துக்கு ஏன் பரிசு தரவில்லை என கேள்விகள் கிளம்பின. இந்நிலையில், அன்பு முத்தங்களை அள்ளித் தந்து லைஃப் டைம் மறக்க முடியாத பரிசு கொடுத்திருக்கிறார் கமல்ஹாசன்.

லோகேஷ் ட்வீட்

பல வருடத்திற்கு பிறகு கமல்ஹாசனுக்கு இப்படியொரு வெற்றியை பெற்றுத் தரவே தவம் கிடந்த லோகேஷ் கனகராஜை சரியாக அடையாளம் கண்டு விக்ரம் படத்தை இயக்கும் வாய்ப்பை கொடுத்த இடத்திலேயே கமல் வெற்றி பெற்று விட்டார். இந்த போட்டோவை பகிர்ந்து 'We all Love You Sir'என லோகேஷ் கனகராஜ் தற்போது ட்வீட் போட்டதும் ஒட்டுமொத்த கமல் ரசிகர்களும், விஜய் ரசிகர்களும் இந்த புகைப்படத்தை தீயாக ஷேர் செய்து வருகின்றனர்.

தளபதி 67 அறிவிப்பு

விக்ரம் படத்தின் வெற்றி சந்தோஷம் கொடுக்கிறது. நடிகர் விஜய்யின் பிறந்தநாளுக்கு தளபதி 67 படத்தின் அப்டேட்டையும் போட்டு விடுங்க லோகேஷ் என விஜய் ரசிகர்கள் அவரது ட்வீட்டுக்கு கீழ் ஏகப்பட்ட கமெண்ட்டுகளை போட்டு வருகின்றனர். கமல் ரசிகர்கள், தளபதி 67ஐ முடித்த கையோடு விக்ரம் 3 படத்தையும் ஆரம்பித்து விடுங்க என தங்களது கோரிக்கைகளையும் வைத்து வருகின்றனர்.