கமல்ஹாசனின் விக்ரம் படத்தின் ஒட்டுமொத்த வசூல் இத்தனை கோடியா? தமிழ்நாட்டில் லோகேஷ் செய்த சம்பவம்!

கமலுக்கு கிடைத்த சக்சஸ்

கமல் நடிப்பில் வெளியான விக்ரம் படத்தை அடிப்படையாக வைத்துக் கொண்டு கைதி படத்துடன் பக்காவாக ஒரு கனெக்‌ஷன் ஏற்படுத்தி இயக்குநர் லோகேஷ் கனகராஜ் தனது குருநாதரான கமல்ஹாசனுக்கு மிகப்பெரிய வெற்றியை விக்ரம் படத்தின் மூலம் தேடித் தந்தார். இந்த ஆண்டு தலை குனிந்திருந்த தமிழ் சினிமாவை முதல் நபராக தூக்கி நிறுத்தி அசத்தினார் கமல்.

450 கோடி வசூல்

விக்ரம் திரைப்படம் 400 கோடி வசூல தொட்டு இருந்ததாக தகவல்கள் வெளியான நிலையில், தற்போது அந்த படம் 100 நாட்கள் திரையில் ஓடிய நிலையில், ஒட்டுமொத்தமாக 450 கோடி லைஃப் டைம் வசூலை எட்டியுள்ளதாக பாக்ஸ் ஆபிஸ் டிராக்கர்கள் அப்டேட் கொடுத்துள்ளனர்.

தமிழ்நாட்டில் தரமான சம்பவம்

விஜய்யின் பீஸ்ட், அஜித்தின் வலிமை படங்கள் இந்த ஆண்டு உலகம் முழுவதும் வசூலித்த தொகையை தமிழ்நாட்டில் மட்டுமே நெருங்கி மாஸ் காட்டியுள்ளது கமலின் விக்ரம் என்கிற அட்டகாச தகவலும் வெளியாகி உள்ளது. அதிகபட்சமாக தமிழ்நாட்டில் மட்டும் விக்ரம் படம் 190 கோடி வசூலை ஈட்டியுள்ளதாக கூறுகின்றனர்.

தளபதி 67 அப்டேட்டுக்காக

விக்ரம் படத்தை போலவே தளபதி 67 திரைப்படமும் லோகேஷ் யூனிவர்ஸாகத்தான் இருக்கும் என எதிர்பார்க்கப்படும் நிலையில், வரும் தீபாவளிக்கு அந்த அப்டேட்டை மட்டும் சொன்னால் சோஷியல் மீடியாவிலேயே சரவெடி வெடிக்கும் என ரசிகர்கள் எதிர்பார்த்து வருகின்றனர். விஜய்க்கு நிச்சயம் அந்த படம் ஒரு இண்டஸ்ட்ரி ஹிட் கொடுக்கும் என்றும் ரசிகர்கள் உறுதியாக நம்பி வருகின்றனர்.

1000 கோடி

விக்ரம் படத்தைத் தொடர்ந்து பொன்னியின் செல்வன் படத்துக்கு குரல் கொடுத்து அந்த படத்தையும் 400 கோடி வசூல் படமாக மாற்றி விட்டார் கமல். இந்நிலையில், அடுத்ததாக ஷங்கர் இயக்கத்தில் கமல் நடித்து வரும் இந்தியன் 2 திரைப்படம் 1000 கோடி வசூலை எட்டுமா? என்கிற கேள்வியும் எழுந்துள்ளது. பிக் பாஸ், இந்தியன் 2 என படுபிசியாக இந்த வயதிலும் செம ஆக்டிவாக உள்ளார் உலகநாயகன்.