கேப்டன் டாஸ்க்கில் போங்காட்டம்.. குறும்படம் போட்டு பாலாஜியை கிழித்து தொங்கவிட்ட கமல்!

கேப்டன் டாஸ்க்

இந்நிலையில் பிக்பாஸ் நிகழ்ச்சியின் இன்றைய நான்காவது புரமோ வெளியாகியுள்ளது. இதில் கேப்டன்ஸி டாஸ்க் குறித்து பேசுகிறார் கமல். கேப்டன்ஸி டாஸ்க்கில் ஜித்தன் ரமேஷ், ரம்யா பாண்டியன் மற்றும் பாலாஜி ஆகிய 3 பேர் பங்கேற்றனர்.

ஆரிதான் காரணம்

இதில் ரமேஷ் வெற்றி பெற்றார். தான் தோற்றதற்கு ஆரி மாற்றி மாற்றி பேசியதுதான் காரணம் என கூறினார் பாலாஜி. மேலும் ஆரி ஒரு பொய்யர் என்றும் களங்கப்படுத்தினார். இந்நிலையில் இன்றைய எபிசோடில் அந்த விவகாரத்தை கமல் கையில் எடுத்துள்ளது நான்காவது புரமோவில் தெரியவந்துள்ளது.

பாலாஜிக்கு குறும்படம்

அப்போதும் கமலிடம் நான் தட்டி விடவில்லை என அடித்து பேசினார் பாலாஜி. அதனை உறுதிப்படுத்தும் வகையில் அவருக்கு குறும்படம் போட்டு கிழித்து தொங்கவிட்டுள்ளார் கமல். குறும்படத்தை பார்த்து பாலாஜியின் முகம் அப்படியே மாறிவிட்டது.

Recommended Video

வெற்றிமாறன் இயக்கத்தில் சூரி நடிக்கும் படத்தின் கதை குறித்த சுவாரசிய தகவல் - டாப் 5 பீட்ஸ்

வரைமுறையே இல்லை

குறும்படத்தை பார்த்து ஆரி, ஜித்தன் ரமேஷ் ஆகியோர் கைத்தட்டி சிரிக்கின்றனர். பாலாஜி பல விஷயங்களில் பிக்பாஸ் வீட்டில் பொய் புரட்டு என இருந்து வருகிறார். டபுள் கேம் ஆடுவது கொளுத்திப்போடுவது என வரைமுறையே இல்லாமல் பார்வையாளர்களின் பிபியை எகிற வைத்து வருகிறார்.