விஸ்வரூபம் 2 அக்டோபரில் ரிலீஸ்!

By Shankar

| Published: Wednesday, May 29, 2013, 10:17 [IST]

Kamal's Viswarooam 2 to release in October

கமல் ஹாஸன் இயக்கி நடித்து வரும் விஸ்வரூபம் 2 படம் இந்த ஆண்டு இறுதியில் வெளியாகும் என தகவல் வெளியாகியுள்ளது.

படத்தின் இரண்டாம் பாகம் இந்தியாவில் என்று அறிவிப்போடு 'விஸ்வரூபம்' படத்தை முடித்திருந்தார் கமல். ஏற்கெனவே கணிசமான காட்சிகளை படமாக்கியும் வைத்திருந்தார். மீதிக் காட்சிகளை தாய்லாந்தில் படமாக்கி வருகிறார்.

மேலும் சில நாடுகளிலும் ஷூட்டிங் நடத்தத் திட்டமிட்டுள்ளார் கமல்.

ஆண்ட்ரியா, பூஜாகுமார், ராகுல் போஸ், சேகர் கபூர் உள்ளிட்டோர் நடிக்கும் இந்த இரண்டாம் பாகத்தை இந்த ஆண்டே வெளியிடத் திட்டமிட்டுள்ளார் கமல்.

தாய்லாந்து படப்பிடிப்பில் கமலுடன் ஆண்ட்ரியா நடிக்கும் ஆக்ஷன் காட்சிகள் படமாக்கப்பட்டு வருகிறது.

இறுதிக்கட்ட படப்பிடிப்பை டெல்லியில் நடத்த திட்டமிட்டுள்ளனர். 'விஸ்வரூபம் 2' படத்தினை கமல் தயாரிக்கவில்லை, ஆஸ்கர் பிலிம்ஸ் தயாரித்து வருகிறது.

இப்படத்தினை அக்டோபரில் வெளியிடத் திட்டமிட்டுள்ளனர். பெரிய படங்கள் எதுவும் வரவில்லை என்றால் தீபாவளிக்கு வெளியாகக் கூடும்.