பிக்பாஸ் சீசன் 6 நிகழ்ச்சியை தொடர்ந்து பார்க்கலாம்.. கமல்ஹாசன் வெளியிட்ட அடுத்த ப்ரமோ!

பிக்பாஸ் நிகழ்ச்சி

விஜய் டிவியின் மிகவும் முக்கியமான நிகழ்ச்சியாக அமைந்துள்ளது பிக்பாஸ். இந்த நிகழ்ச்சி இதுவரை 5 சீசன்களை வெற்றிகரமாக முடித்துள்ளது. கடந்த 5வது சீசனில் ராஜு டைட்டிலை வெற்றிக் கொண்டார். அடுத்த இடத்தை பிரியங்கா தேஷ்பாண்டே பெற்றார். கமல்ஹாசனின் சிறப்பான தொகுப்பில் இந்த நிகழ்ச்சி ரசிகர்களை வெகுவாக கவர்ந்துள்ளது.

பிக்பாஸ் அல்டிமேட்

இந்த நிகழ்ச்சியின் வெற்றியை அடுத்து பிக்பாஸ் அல்டிமேட் நிகழ்ச்சியும் நடத்தப்பட்டது. டிஸ்னி ப்ளஸ் ஹாட்ஸ்டாரில் நேரலையாக ஒளிபரப்பான இந்த நிகழ்ச்சியில் இருந்து கமல்ஹாசன் இடையிலேயே விலகிய நிலையில், நடிகர் சிம்பு நிகழ்ச்சியை தொடர்ந்து நடத்தினார். ஆனாலும் இந்த நிகழ்ச்சி ரசிகர்களை அதிகமாக கவர தவறிவிட்டது.

அக்டோபர் 9ல் துவக்கம்

இதனிடையே வரும் அக்டோபர் 9ம் தேதி முதல் பிக்பாஸ் சீசன் 6 நிகழ்ச்சி விஜய் டிவியில் ஒளிபரப்பாகவுள்ளதாக அறிவிக்கப்பட்டுள்ளது. 9ம் தேதி ஞாயிற்றுக்கிழமை மாலை 6 மணிக்கு இந்த நிகழ்ச்சியின் துவக்கவிழா மிகவும் பிரம்மாண்டமாக நடத்தப்பட உள்ளது. தினந்தோறும் இரவு நிகழ்ச்சி ஒளிபரப்பாகவுள்ளது.

போட்டியாளர்களை அறிவிக்காத விஜய் டிவி

இந்த நிகழ்ச்சியின் போட்டியாளர்களை இன்னும் அதிகாரப்பூர்வமாக அறிவிக்காமல் உள்ளது விஜய் டிவி. ஆனாலும் தொடர்ந்து போட்டியாளர்கள் குறித்த பல்வேறு தகவல்கள் வெளியானவண்ணம் உள்ளது. இதனிடையே இந்த நிகழ்ச்சியின் அடுத்தடுத்த ப்ரமோக்கள் வெளியானவண்ணம் உள்ளன.

டிஸ்னி ப்ளஸ் ஹாட்ஸ்டாரில் நிகழ்ச்சி

இதனிடையே இன்றைய தினம் வெளியாகியுள்ள ப்ரமோவில், 24 மணிநேரமும் பிக்பாஸ் சீசன் 6 நிகழ்ச்சியை விஜய் டிவியிலும் தொடர்ந்து 24 மணிநேரமும் டிஸ்னி ப்ளஸ் ஹாட்ஸ்டாரிலும் நிக்காம பார்க்கலாம் என்று அவர் அறிவித்துள்ளார். மிகவும் சிறப்பான வகையில் இந்தப் ப்ரமோ காணப்படுகிறது.

பொதுமக்களும் பங்கேற்பு

ரசிகர்களின் எதிர்பார்ப்பை அதிகளவில் தூண்டியுள்ள பிக்பாஸ் சீசன் 6 நிகழ்ச்சி பல்வேறு காரணங்களால் தாமதமாகியுள்ளது. இந்நிலையில் இன்னும் போட்டியாளர்கள் அறிவிக்கப்படாத நிலையில் ஒரு வாரத்தில் நிகழ்ச்சி துவங்கவுள்ளது. இந்த சீசனில் பொதுமக்களும் பங்கேற்கவுள்ளது குறிப்பத்தககது.