Don't Miss!
- Automobiles டாடாவின் இந்த கார் இவ்ளோ பாதுகாப்பானதா! ஷோரூம்களில் மக்கள் கூட்டம் அலைமோதுது! அதிர்ச்சியில் மாருதி சுஸுகி!
- News இந்த ஆண்டு UPSC தேர்வானவர்களில் 34.65% பெண்கள், 5.02% முஸ்லிம்கள்.. முழு டேட்டா இதோ!
- Travel நம்ம தர்மபுரியில் சுற்றிப் பார்க்க இவ்வளவு இடங்கள்?
- Finance தங்கம் விலை பொசுக்கு குறைஞ்சிடுச்சு! கேட்கவே இனிமையா இருக்கு.. சென்னை, கோவை, மதுரையில் என்ன விலை?
- Lifestyle ஜோதிடத்தில் திசை என்றால் என்ன? உங்களுக்கு என்ன திசை நடக்கிறது? அதனால் கிடைக்கும் பலன்கள்..!
- Sports கே எல் ராகுல் செய்த செயல்.. எச்சரித்த தோனி.. ருதுராஜ் கெய்க்வாட்டுக்கு கிடைத்த தண்டனை
- Technology திடீர் பணம் தேவையா.. தனிநபர் கடன் வழங்கும் Google Pay.. எவ்வளவு கிடைக்கும்? எப்படி வாங்குவது?
- Education தினமும் 9 மணி நேரம் படித்து யுபிஎஸ்சி தேர்வில் வெற்றி பெற்ற லிந்தியா...!!
சமூக ஏற்றத்தாழ்வுகளைக் களைய உறுதி ஏற்போம்... கமல், விஜயகாந்த், ஏஆர் ரஹ்மான் குடியரசு தின வாழ்த்து
சென்னை: நாடு முழுவதும் இன்று 74வது குடியரசு தின விழா கோலாகலமாக கொண்டாடப்பட்டு வருகிறது.
தலைநகர் டெல்லியில் குடியரசுத் தலைவர் திரெளபதி முர்முவும், மாநிலங்களில் ஆளுநர்களும் தேசியக் கொடி ஏற்றி வைத்து மரியாதை செலுத்துகின்றனர்.
குடியரசு தினத்தை முன்னிட்டு அரசியல் தலைவர்கள், மாநில முதலமைச்சர்கள், மத்திய, மாநில அமைச்சர்கள் தங்களது வாழ்த்துகளை தெரிவித்துள்ளனர்.
அந்த வகையில் திரையுலகைச் சேர்ந்த முன்னணி நடிகர்களும் நாட்டு மக்களுக்கு குடியரசு தின வாழ்த்துகளை தெரிவித்து வருகின்றனர்.
திரெளபதி படத்தில் நடிச்சது ஒரு கெட்ட கனவு.. ஷீலா ராஜ்குமார் பேட்டி.. அப்போ அப்படி பேசுனீங்களே?
கமல் குடியரசு தின வாழ்த்து
நாடு முழுவதும் 74வது குடியரசு தின விழா சிறப்பாக கொண்டாடப்பட்டு வருகிறது. தலைநகர் டெல்லியில் குடியரசுத் தலைவர் திரெளபதி முர்முவும், மாநிலங்களில் ஆளுநர்களும் தேசியக் கொடி ஏற்றி வைத்து மரியாதை செலுத்தினர். மேலும், முப்படை வீரர்களின் அணிவகுப்பும் பல்வேறு கலை நிகழ்ச்சிகளும் நடத்தப்பட்டன. இந்நிலையில், நடிகர் கமல் குடியரசு தின வாழ்த்து தெரிவித்துள்ளார். "ஒவ்வொரு மனிதரும் சமமாக நடத்தப்படும்போதுதான் குடியரசு அதன் முழுமையான அர்த்தத்தை எட்டுகிறது. நாட்டின் இறையாண்மை குடிமக்களிடமே நிலைகொண்டுள்ளது என்பதை உணர்த்திய முன்னோடிகளை வணங்கி சமூக ஏற்றத் தாழ்வுகளைக் களைய உறுதி ஏற்போம். குடியரசு தின நல்வாழ்த்துகள்" என ட்வீட் செய்துள்ளார்.
விஜயகாந்த், சிரஞ்சீவி வாழ்த்து
அதேபோல் நடிகரும் தேமுதிக தலைவருமான விஜயகாந்த் குடியரசு தின வாழ்த்துகளை தெரிவித்துள்ளார். தனது திரைப்படங்களில் தேசப்பற்று குறித்து பஞ்ச் வசனம் பேசி ரசிகர்களிடம் பிரபலமான விஜயகாந்த், 74வது குடியரசு தின வாழ்த்துகள் என ட்வீட் செய்துள்ளார். அவரைத் தொடர்ந்து தெலுங்கு மெகா ஸ்டார் சிரஞ்சீவியும் குடியரசு தின வாழ்த்து தெரிவித்து ட்வீட் செய்துள்ளார். அதில் "விலை மதிப்பற்ற உலகின் மிகப் பெரிய அரசியலமைப்பு, ஜனநாயகத்தை கட்டமைத்து கொடுத்த முன்னோடிகளுக்கு சல்யூட், அவர்களுக்கு வணக்கம் செலுத்துவோம். நம் தாய்நாடு என்றென்றும் வளமாக இருக்கட்டும், இந்தியர்கள் அனைவருக்கும் 74வது குடியரசு தின வாழ்த்துகள்" என தெரிவித்துள்ளார்.
இசைப்புயல் ஏஆர் ரஹ்மான் வாழ்த்து
74வது குடியரசு தினத்தை முன்னிட்டு இசையமைப்பாளார் ஏஆர் ரஹ்மானும் வாழ்த்து தெரிவித்துள்ளார். இனிய குடியரசு தின வாழ்த்துகள் என தனது டிவிட்டர் பக்கத்தில் பதிவிட்டுள்ளார். மேலும் புஷ்பா பட ஹீரோ அல்லு அர்ஜுன் குடியரசு தின வாழ்த்துக் கூறி ட்வீட் செய்துள்ளார். அதில், "இந்தியர்கள் அனைவருக்கும் எனது 74வது குடியரசு தின வாழ்த்துகள். நமது தேசத்தை இயக்கி வரும் அரசியல் சாசனம் செயல்படுத்தப்பட்ட தினத்தை கொண்டாடுவோம்" என பதிவிட்டுள்ளார்.
மோகன்லால், மம்முட்டி வாழ்த்து
மலையாள சூப்பர் ஸ்டார் மோகன்லாலும் குடியரசு தின வாழ்த்து தெர்வித்து ட்வீட் செய்துள்ளார். அதில், "74வது குடியரசு தினத்தில் நமது நாட்டிற்கு தொடர்ந்து விஸ்வாசமாக இருப்போம். நமது பாரம்பரியத்தின் பெருமையான வேற்றுமையில் ஒற்றுமையுடன் குடியரசு தினத்தை கொண்டாடுவோம். நமது தேசத்தை பெரும் கொண்டாட்டங்கள் உடனும், தேசபக்தி உணர்வுடனும் கொண்டாடுவோம்" என பதிவிட்டுள்ளார். மோகன்லால் நடித்துள்ள Alone திரைப்படம் இன்று வெளியாகியுள்ளது குறிப்பிடத்தக்கது. அதேபோல் மலையாள மெகாஸ்டார் மம்முட்டியும் குடியரசு தின வாழ்த்து கூறி ட்வீட் செய்துள்ளார்.