மதுரையில் கமல்... விஸ்வரூபம் இசை வெளியீட்டு விழா குறித்து ஆலோசனை!

மதுரை: விஸ்வரூபம் படத்தின் இசை வெளியீட்டு விழா குறித்து ரசிகர்களுடன் ஆலோசனை நடத்தினார் கமல்ஹாஸன்.

விஸ்வரூபம் படத்தின் இசைக் குறுந்தகடு நாளை மதுரை, கோவை மற்றும் சென்னையில் நடக்கிறது.

காலையில் முதல் நிகழ்ச்சி மதுரையில்தான் நடக்கிறது. விழாவுக்கு ஒரு நாள் முன்பாகவே மதுரைக்குப் போன கமல் ஹாஸனை மதுரைப் பகுதி கமல் நற்பணி இயக்கத்தினர் வரவேற்றனர்.

நட்சத்திர ஹோட்டலில் தங்கியிருந்த கமல், ரசிகர் மன்ற நிர்வாகிகளுடன் விழா குறித்து ஆலோசனை செய்தார். விழா ஏற்பாடுகளைப் பார்வையிட்ட பின்னர் அவர் கோவையில் நிகழ்ச்சி நடக்கும் இடத்தைப் பார்வையிடுகிறார்.

நாளை பிற்பகல் கோவை நிகழ்ச்சி முடிந்ததும் சென்னைக்கு திரும்பும் கமல், ஒய்எம்சிஏ மைதான நிகழ்ச்சியில் விஸ்வரூபம் இசையை வெளியிடுகிறார்.