அதெல்லாம் ஒர்க் அவுட் ஆகாதுன்னே சொன்னாங்க...பெண் இயக்குனர் வருத்தம்

இதுதான் வாழ்க்கையா?

இந்தப் படம் பற்றி அஸ்வினி ஐயர் கூறும்போது, 'இது மனித நேயத்தை வெளிப்படுத்தும் படம். வாழ்க்கை என்பதை, வேலை பார்ப்பது, திருமணம் செய்வது, குழந்தைகளை பெற்றுக்கொள்வது என்றே முடிவு செய்துவிட்டோம். இதற்கு அப்பாற்பட்ட வாழ்க்கை இருப்பதை மறந்துவிட்டோம். இந்த படம் ஒரு சவாலை ஏற்றுக்கொள்வதை பற்றி பேசுகிறது. ஒரு பெண்ணின் கனவை வெற்றிகரமாக முடிக்க அவர் குடும்பம் என்ன செய்கிறது என்பது பற்றியும் சொல்கிறோம் என்கிறார் அஸ்வினி ஐயர்.

அம்மா கணக்கு

என் முதல் படமான, அம்மா கணக்கு (இந்தியில், நில் பட்டே சன்னட்டா), மகளின் படிப்பை ஊக்குவிக்க அம்மாவே படிக்க செல்லும் கதையாக அமைக்கப்பட்டது. இந்தக் கதையை கேட்டுவிட்டு இதெல்லாம் ஒர்க் அவுட்டே ஆகாது என்று எச்சரித்தார்கள். ஆனால், அதையும் மீறி படம் கவனிக்கப்பட்டது என்றார் அஸ்வினி.

கங்கனா தலையீடு

இந்தப் படத்தில் கங்கனா, நடிப்பைத் தவிர வேறு எதிலும் தலையிடக் கூடாது என்று ஒப்பந்தத்தில் கையெழுத்திட்டதாகக் கூறப்படுகிறதே என்று கேட்டால், அது தவறான தகவல். நீங்களாகவே எதையும் முடிவு செய்துவிடாதிர்கள் என்றார்.

பிடித்துவிட்டால்...

நானும் கங்கனாவும் கடந்த 2 வருடமாக நட்பாக பழகிவருகிறோம். எங்களுக்குள் எந்த பிரச்னையுமில்லை. கங்கனாவுக்கு சிலரை பிடித்துவிட்டால், அவர்களை கடைசிவரை நன்றாக கவனித்துக்கொள்வார் என்பதைத் தெரிந்துகொண்டேன். இந்தப் படத்தில் நாங்கள் குடும்பல் போல இருந்தோம்' என்கிறார் அஸ்வினி.