என்னையை விட எடுப்பாவும்.. துடிப்பாவும் யாராச்சும் இருக்காங்களா.. சொல்லங்க பார்ப்போம்.. கங்கனா பலே!

என்னை போல யாரு

தலைவி மற்றும் தாகத் படத்தின் போட்டோக்களை பதிவிட்ட கங்கனா, நான் வெளிப்படையாக விவாதிக்க தயாராக உள்ளேன். இந்த பிரபஞ்சத்திலேயே என்னை விட நடிப்பில் திறமையான வேறு எந்த நடிகையாவது இருப்பதாக காட்டினால் நான் எனது பிடிவாதத்தை விட்டு விடுகிறேன்.

குதிரையேற்றம் எனக்கும் தெரியும்

மணிகர்னிகா படத்தில் குதிரையேற்ற காட்சியில் கங்கனா நடித்ததை பலரும் கேலி செய்திருந்தனர். சுமார் ஒன்றரை ஆண்டுகளுக்கு பிறகு அதற்கு இப்போது பதிலளித்துள்ள கங்கனா, நீங்கள் சொன்னது போல் அந்த படத்தில் சில டிரிக்களை கையாண்டது உண்மை தான். லட்சுமி பாய் அளவிற்கு என்னால் குதிரையேற்றம் பண்ண முடியாது என்பதை ஏற்றுக் கொள்கிறேன். ஆனால் இப்போது எனக்கு குதிரையேற்றம் தெரியாது என உங்களால் சொல்ல முடியாது என கருத்து பதிவிட்டுள்ளார். அத்துடன் தான் குதிரையேற்றம் செய்யும் வீடியோ ஒன்றையும் அவர் பதிவிட்டுள்ளார்.

ஆஸ்கார் எல்லாம் தூசி

சிலர் கேட்கிறார்கள் நீங்கள் எத்தனை ஆஸ்கார், நேசிய அல்லது பத்ம விருதுகளை வாங்கி உள்ளீர்கள் என்று. அவர்களுக்கு எனது பதில் எதுவும் இல்லை என்பது தான். எப்போதும் சுயமரியாதையும், சுய மதிப்பும் இருப்பதை உங்களால் காண முடியும். நான் இந்தியன். அதனால் ஹாலிவுட் நடிகைகளை போல் நாங்கள் இருக்க வேண்டியதில்லை. நான் பிலிம்பேர் விருதையே ஆஸ்காராக நினைத்து வாங்குவேன்.

நான் திறமையான நடிகை

நான் மெர்லி ஸ்ட்ரீப் போல் திறமையான நடிகை. எந்த கதாபாத்திரத்திலும் நடிக்க முடியும். ஆக்ஷன், கிளாமர் என அனைத்திலும் திறமை காட்ட முடியும், கால் கடவுட் போல் என கங்கனா தன்னை புகழ்ந்து பல ட்வீட்களை பதிவிட்துள்ளார்.

எதுக்கு இந்த விளம்பரம் :

ரசிகர்கள் சிலர் ட்விட்டரில் கேட்ட கேள்விகளுக்கு பதிலளித்த போது தான் கங்கனா இப்படி தன்னை புகழ்ந்துள்ளார். கங்கனாவின் இந்த பதிலை பாராட்டியும் சிலர் கருத்து பதிவிட்டுள்ளனர். சிலர் தனக்கு ஊக்கமளிக்கும் கருத்துக்களை பதிவிட்டுள்ளதாக கங்கனாவே குறிப்பிட்டுள்ளார்.