மீண்டும் மோடி பிரதமரானால் தான் நாடு உருப்படும்! ஜெயம் ரவி பட நடிகை அதிரடி!

சலோ ஜீத்தே ஹேய்ன்

இந்தியப் பிரதமர் நரேந்திர மோடியின் பால்ய வயது வாழ்க்கையை சித்தரிக்கும் குறும்படமான சலோ ஜீத்தே ஹெய்ன் திரைப்படத்தை கங்கனா கண்டு ரசித்தார்.

மோடி படம் அல்ல

அதன்பிறகு பேசிய கங்கனா, இந்தப்படம் மோடியைப் பற்றிய படம் அல்ல. இது நம் ஒவ்வொருவரைப் பற்றிய படம். இந்த சமுதாயத்தின் வளர்ச்சியில் நம்முடைய பங்கு என்ன என்பதை காட்டும் படம் எனக் குறிப்பிட்டார்.

சரியானவர் மோடி

அப்போது பிரதமர் நரேந்திர மோடியின் நான்கு ஆண்டு ஆட்சி பற்றி கேள்வி எழுப்பப்பட்டது. அதற்கு பதிலளித்த கங்கனா, இந்தியாவின் பிரதமர் பதவிக்கு மோடி தான் சரியான ஆள் எனக் கூறினார். மேலும், அவர் பெற்றோரால் இந்த அளவுக்கு முன்னேறவில்லை எனவும், தன்னுடைய சொந்த உழைப்பால் முன்னேறி இன்று பிரதமர் பதவியை அலங்கரித்து வருகிறார். ஜனநாயகத்தின் மிகச் சிறந்த தலைவர் மோடி தான் எனக் கூறினார்.

ஐந்து ஆண்டுகள் போதாது

மோடி மீண்டும் பிரதமராக வேண்டுமா எனக் கேட்கப்பட்டதற்கு.., "ஏன் கூடாது? நிச்சயமாக அவர் தான் வர வேண்டும். நம் நாடு பாதாளக் குழியில் விழுந்து கிடக்கிறது. அதை மீட்பதற்கு ஐந்து ஆண்டுகள் போதாது. அதனால் மீண்டும் மோடி பிரதமராக வேண்டும்" எனக் குறிப்பிட்டார்.