கொரோனா பாதிப்பு. சிகிச்சை பெற்று வந்த பிரபல இளம் நடிகர் மரணம்..திரைத்துறையினர் ரசிகர்கள் அதிர்ச்சி!

ரசிகர்கள் அதிர்ச்சி

35 வயதான மஞ்சுநாத் கொரோனா தொற்றால் பாதிக்கப்பட்டிருந்தார். இந்நிலையில் சிகிச்சை பலனின்றி நேற்று மஞ்சுநாத் மரணமடைந்தார். அவரது மரணம் கன்னட சினிமாத் துறையையும் ரசிகர்களையும் அதிர்ச்சியில் ஆழ்த்தியுள்ளது.

முக்கிய கதாப்பாத்திரம்

ஜீரோ பர்சன்ட் லவ் என்ற படத்தின் மூலம் ஹீரோவாக அறிமுகமாகிறார் மஞ்சுநாத். இந்தப் படத்தை அபிராம் இயக்கி வருகிறார். தப்லா நானி, ஓம் பிரகாஷ் ராவ், எஸ் நாராயண் உள்ளிட்டோர் இந்த படத்தில் முக்கிய கதாப்பாத்திரத்தில் நடிக்கின்றனர்.

பிறந்தநாளில் ரிலீஸ்

இந்தப் படத்தின் படப்பிடிப்பு பெரும்பாலும் நிறைவடைந்துவிட்டது. இம்மாதம் 22ஆம் மஞ்சுநாத்தின் பிறந்தநாளில் இப்படத்தை ரிலீஸ் செய்ய படக்குழுவினர் திட்டமிட்டுள்ளனர். இந்நிலையில் நடிகரும் தயாரிப்பாளருமான மஞ்சுநாத் கொரோனாவால் மரணமடைந்துள்ளார்.

இரண்டாவது அலை

மஞ்சுநாத்தின் மரணம் மொத்த படக்குழுவையும் அதிர்ச்சியில் ஆழ்த்தியுள்ளது. நாடு முழுவதும் கொரோனா இரண்டாவது அலை படு வேகமாக பரவி வருகிறது. திரை பிரபலங்கள் பலரும் கொரோனா தொற்றால் பாதிக்கப்பட்டு வருகின்றனர்.

முழு ஊரடங்கு

பல்வேறு மாநிலங்களும் கொரோனா தடுப்பு நடவடிக்கைகளை மேற்கொண்டு வருகின்றன. கொரோனா பரவலை தடுக்கும் நடவடிக்கையாக சில மாநிலங்களில் முழு ஊரடங்கும் பல மாநிலங்களில் பகுதி நேர ஊரடங்கும் அறிவிக்கப்பட்டுள்ளது.