கிச்சா சுதீப் நடிக்கும் 'கப்ஜா'..நிழல் உலக தாதாக்கள் உதயமான வரலாறு..இதுவரை சொல்லப்படாத கதை!

கப்ஜா

கன்னட சினிமாவின் ரியல் ஸ்டார் உபேந்திரா மற்றும் நடிகர் கிச்சா சுதீப் இணைந்து முன்னணி கதாபாத்திரங்களில் நடிக்கும் கப்ஸா திரைப்படத்தை இயக்குனர் ஆர் சந்துரு எழுதி இயக்கியுள்ளார். ஸ்ரீ சித்தேஸ்வரா என்டர்பிரைசஸ் தயாரித்துள்ள கப்ஜா திரைப்படத்தில் ஜகபதி பாபு, ராகுல் தேவ், கபீர் துகான் சிங், பிரதீப் ராவத் ஆகியோர் முக்கிய கதாபாத்திரங்களில் நடித்துள்ளனர்.

சாதனை படைத்த டீசர்

ஏஜே செட்டி ஒளிப்பதிவு செய்துள்ள கப்சா படத்திற்கு ரவி பஸ்ரூர் இசையமைத்துள்ளார். கன்னடம், தமிழ், ஹிந்தி, தெலுங்கு, மலையாளம், ஒரியா, மராத்தி என ஏழு மொழிகளில் இப்படத்தை வெளியிட படக்குழு திட்டமிட்டுள்ளது. இப்படத்தின் டீசர் வெளியான 24 மணி நேரத்தில் 12.5 மில்லியன் பார்வைகளை கடந்து சாதனை படைத்துள்ளது.

கேங்ஸ்டார் திரைப்படம்

கப்ஜா தயாரிப்பில் 3 வருடங்கள் பட்ட கஷ்டத்திற்கு கடைசியில் பலன் கிடைத்துள்ளது. ஆர் சந்துரு இயக்கத்தில், உபேந்திரா நடிப்பில், பெரிதும் எதிர்பார்க்கப்பட்ட திரைப்படம் இதுவாகும். 1947 ஆம் ஆண்டில் இந்திய சுதந்திர போராட்ட வீரர் ஒருவர் கொடூரமாக தாக்கப்படுகிறார். அவருடைய மகன் தவிர்க்கமுடியாத காரணங்களால் மாஃபியா கும்பலிடம் சிக்கிக் கொள்கிறார். அதன் பிறகு என்ன நடந்தது? என்பதை விறுவிறுப்பாக சொல்லியிருக்கும் பிரம்மாண்டமான படைப்பு தான் கப்ஜா. இந்த படத்திற்கு தி ரைஸ் கேங்ஸ்டர் இன் இந்தியா எனும் டாக் லைனும் இணைக்கப்பட்டிருக்கிறது

முன்னணி நடிகர்கள்

இந்த படத்தில் நடிகர்கள் உபேந்திரா மற்றும் கிச்சா சுதீப்புடன் நடிகை ஸ்ரேயா சரண், நடிகர்கள் முரளி ஷர்மா, ஜான் கொக்கேன், நவாப் ஷா, பிரகாஷ் ராஜ் , ஜகபதி பாபு, கோட்டா சீனிவாச ராவ், கபீர் துஹான் சிங், பொமன் இரானி, சுதா, தேவ் கில், எம். காமராஜ் உள்ளிட்ட பலர் நடித்திருக்கிறார்கள். ஏ. ஜெ. ஷெட்டி ஒளிப்பதிவு செய்திருக்கும் இந்த படத்திற்கு கே. ஜி எஃப் படப்புகழ் இசையமைப்பாளர் ரவி பஸ்ரூர் இசையமைத்திருக்கிறார். படத் தொகுப்பு பணிகளை மகேஷ் ரெட்டி கவனிக்க, சண்டைக்காட்சிகளை ரவி வர்மா, விஜய், விக்ரம் மோர், வினோத் என நான்கு சண்டைப் பயிற்சி இயக்குநர்கள் இயக்கியிருக்கிறார்கள்.