425 நாட்கள் ஓடிய கரகாட்டக்காரன் ரிலீஸாகி 30 வருஷமாச்சு கண்ணா: கங்கை அமரன்

கங்கை அமரன்

வணக்கம் ... இன்று 16 ஜூன் ... அகில உலக சூப்பர் படமான கரகாட்டக்காரன் வெளிவந்த"30 " ஆவது வருடம் ..... # நன்றியுடன் உங்கள் நான் என்று இயக்குநரும், இசையமைப்பாளருமான கங்கை அமரன் ட்விட்டரில் தெரிவித்துள்ளார்.

முடியவே முடியாது

கரகாட்டக்காரன் தமிழ் சினிமாவின் குறிஞ்சி மலர். இது போன்ற ஒரு படத்தை இனி எடுக்கவே முடியாது. இரண்டாம் பாகத்தில் தயவு செய்து உங்கள் மகன் பிரேம்ஜி அமரனை நடிக்க வைக்க வேண்டாம் சார் என்று நெட்டிசன்கள் கோரிக்கை விடுத்துள்ளனர்.

கவுண்டமணி

கங்கை அமரனின் ட்வீட்டை பார்த்த ரசிகர்களோ, சார் 30 ஆண்டுகள் ஆகியும் அந்த இன்னொரு வாழைப்பழம் எங்கே என்பது இன்னும் தெரியவில்லையே என்று தெரிவித்துள்ளனர். கரகாட்டக்காரன் 2 படத்தில் கவுண்டமணி, செந்தில் சேர்ந்து நடித்தால் ரசிகர்களுக்கு கொண்டாட்டம் தான். அவர்கள் நடிக்க மறுத்தால் அந்த கதாபாத்திரங்களில் நடிப்பவர்களுக்கு திண்டாட்டமே.

ராமராஜன்

கரகாட்டக்காரன் படம் ரிலீஸாகி 30 ஆண்டுகள் கழித்து அதன் இரண்டாம் பாகத்தை எடுக்க தயாராகி வருகிறார் கங்கை அமரன். கரகாட்டக்காரன் படத்தில் நடித்தவர்களை இரண்டாம் பாகத்திலும் நடிக்க வைக்க திட்டமிட்டுள்ளார் கங்கை அமரன். இது தொடர்பாக நடிகர்கள், நடிகைகளுடன் பேச்சுவார்த்தை நடத்தி வருவதாகவும், விரைவில் அதிகாரப்பூர்வ அறிவிப்பு வெளியிடப் போவதாகவும் கங்கை அமரன் தெரிவித்துள்ளார்.