‘அட்டக்கத்தி’ ரஞ்சித் இயக்கத்தில் கார்த்தி: ஜோடி லட்சுமிமேனன்

கார்த்தி படங்கள்....

எம்.ராஜேஷ் இயக்கத்தில் ‘ஆல் இன் ஆல் அழகுராஜா', வெங்கட் பிரபு இயக்கத்தில் ‘பிரியாணி' என கைவசம் இரண்டு படங்கள் ரிலீசுக்கு தயாராகி வருகின்றன கார்த்திக்கு. தீபாவளிக்கு ‘ஆல் இன் ஆல் அழகுராஜா'வும், பொங்கலுக்கு ‘பிரியாணி'யும் ரிலீசாகும் என அறிவிக்கப்பட்டுள்ளது.

லட்சுமிமேனன் ஜோடி....

தற்போது கார்த்தி, ‘அட்டக்கத்தி' பட இயக்குனர் ரஞ்சித் இயக்கும் புதிய படத்தில் நடிக்க ஒப்பந்தமாகியிருக்கிறார். இந்த படத்தில் இவருக்கு ஜோடியாக லட்சுமி மேனன் நடிக்கிறார்.

விரைவில் அறிவிப்பு....

இப்படத்தை ஸ்டூடியோ கிரீன் நிறுவனம் சார்பாக டி.ஞானவேல்ராஜா தயாரிக்க இருக்கிறார். மற்ற கதாபாத்திரத்தேர்வு நடைபெற்று வருகிறது. படம் குறித்தான அதிகாரப்பூர்வ அறிவிப்பு விரைவில் வெளியாகும் என எதிர்பார்க்கப் படுகிறது.

அடுத்த பருத்திவீரன்....

தனது அடுத்த படம் நிச்சயம் கிராமத்துக் கதையாகத் தான் இருக்கும் என கார்த்தி தெரிவித்த கருத்தினால், இப்படம் கார்த்திக்கு மற்றுமொரு ‘பருத்திவீரனாக' அமையலாம் என ரசிகர்கள் எதிர்பார்ப்பில் உள்ளனர்.