அட, கார்த்திக்கு இப்டி ஒரு ‘சூப்பர்’ ராசியா? அப்போ எல்லா டைரக்டர்ஸும் நான் நீ-னு போட்டி போடுவாங்களே!

சிவா:

கார்த்தியை வைத்து சிறுத்தை படத்தை இயக்கினார் சிவா. இதனால் அவரது பெயரே சிறுத்தை சிவா என ஆனது. ஆனால், அடுத்து அஜித்தை இயக்கும் வாய்ப்பு கிடைத்தது. வீரம், வேதாளம், விவேகம், விஸ்வாசம் என அடுத்தடுத்து அஜித்தை வைத்து நான்கு படங்களை அவர் கொடுத்தார்.

பா.ரஞ்சித்:

இதேபோல், கார்த்தியை ஹீரோவாக்கி தனது இரண்டாவது படமான மெட்ராஸை இயக்கினார் பா.ரஞ்சித். அடுத்தபடத்திலேயே ரஜினியை இயக்கும் வாய்ப்பு கிடைத்தது. ரஜினியை வைத்து கபாலி என்ற வெற்றிப் படத்தைக் கொடுத்தவர், அடுத்ததாக காலா படத்தையும் தந்தார்.

ஹெச்.வினோத்:

தீரன் அதிகாரம் ஒன்று படத்தில் கார்த்தியை இயக்கினார் ஹெச்.வினோத். அதற்கு அடுத்த படமே அஜித்தை இயக்கும் வாய்ப்பு அவருக்கு கிடைத்தது. பிங்க் பட ரீமேக்கான அப்படத்தைத் தொடர்ந்து, மீண்டும் அவர் அஜித்தை வைத்தே மற்றொரு படம் தர இருக்கிறார் என்பது ஊரறிந்த தகவல்.

லோகேஷ் கனகராஜ்:

இந்நிலையில் விஜய்யின் 64வது படத்தை மாநகரம் பட இயக்குனர் லோகேஷ் கனகராஜ் இயக்க உள்ளதாக தற்போது தகவல் வெளியாகியுள்ளது. இவர் தற்போது கார்த்தியை வைத்து கைதி படத்தை இயக்கி வருகிறார் என்பது குறிப்பிடத்தக்கது.