Don't Miss!
- News அரசு பேருந்து கண்டக்டர் பறந்து விழுந்த விவகாரம்.. "அதிமுக ஆட்சி தான் காரணம்".. சொல்வது அமைச்சர்!
- Travel மதுரை கள்ளழகர் திருவிழாவைப் போன்றே மற்ற இடங்களில் நடக்கும் ‘அழகர் திருவிழாக்கள்’ பற்றி தெரியுமா உங்களுக்கு?
- Automobiles "ஐ லவ் யூ" சொல்ல ஆட்டோ பைலட் மோடை பயன்படுத்திய விமானி! யாரு சாமி இவரு
- Finance டெக் மஹிந்திரா முன்னாள் சிஇஓ சிபி.குர்னானி துவங்கிய புது கம்பெனி.. வியந்துபோன ஐடி ஊழியர்கள்..!
- Lifestyle வெளிநாட்டினர் ஏன் பால் சேர்க்கப்பட்ட காபிக்கு பதிலாக எப்போதும் ப்ளாக் காபி மட்டும் குடிக்கிறார்கள் தெரியுமா?
- Technology முடிச்சிட்டாரு முகேஷ் அம்பானி.. மாதம் ரூ.112 போதும்.. 336 நாட்கள் வேலிடிட்டி.. அன்லிமிடெட் கால்.. ஓடிடி சந்தா!
- Sports இன்னும் 6 போட்டிகள் இருக்கு.. என்ன வேண்டுமானாலும் நடக்கலாம்.. பிளே ஆஃப் பற்றி ஆர்சிபி வீரர் ஜாக்ஸ்!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
ஆரம்பிக்கலாங்களா.. கைதி 2 படம் குறித்து பேசிய தயாரிப்பாளர்.. ரசிகர்கள் உற்சாகம்!
சென்னை : நடிகர் கார்த்தி, நரேன் உள்ளிட்டவர்கள் நடிப்பில் கடந்த 2019ல் வெளியான படம் கைதி. ஆக்ஷனை மையமாக வைத்து இந்தப் படம் வெளியானது.
இதையடுத்து மாஸ்டர் தற்போது விக்ரம் படங்களை இயக்கி முடித்துள்ளார் லோகேஷ் கனகராஜ்.
4 படங்களை மட்டுமே இயக்கி சர்வதேச அளவில் புகழ்பெற முடியும் என்பதற்கு இவர் மிகச்சிறந்த உதாரணம்.
கையில் என்ன லவ் லெட்டரா ?.. கொஞ்சி கொஞ்சி விளையாடும் பாவ்னி -அமீர் !
கைதி படம்
நடிகர் கார்த்தி, நரேன் உள்ளிட்டவர்கள் லீட் கதாபாத்திரங்களில் நடித்து கடந்த 2019ல் வெளியான படம் கைதி. முன்னதாக மாநகரம் படத்தை இயக்கி கவனத்தை பெற்றிருந்த இயக்குநர் லோகேஷ் கனகராஜ் இந்தப் படம் வெளியாவதற்கு முன்னதாகவே விஜய்யின் மாஸ்டர் படத்தை இயக்கத் துவங்கியிருந்தார்.
மாஸ்டர் படம்
மாஸ்டர் படத்தின் இரண்டு ஷெட்யூல்கள் முடிந்தபின்பே கைதி படம் ரிலீசானதாகவும், அதன்பின்பே இத்தகைய படத்தை தான் இயக்கியது குறித்து மற்றவர்களுக்கு குறிப்பாக விஜய்க்கும் தெரியவந்ததாகவும் லோகேஷ் கனகராஜ் சமீபத்திய பேட்டியொன்றில் குறிப்பிட்டிருந்தார்.
சிறையிலிருந்து ரிலீசாகும் கைதி
கைதி படம், சிறையிலிருந்து வெளியில் வரும் ஆயுள்தண்டனை கைதி, தனது மகளை பார்க்கப் போகும்போது இடையில் சந்திக்கும் சம்பவங்கள் குறித்த கதைக்களத்துடன் வெளியானது. இந்தப் படத்தில் கார்த்தியின் நடிப்பும் சிறப்பாக அமைந்திருந்தது. குறிப்பாக லோகேஷ் இந்தப் படத்தின்மூலமே அனைவராலும் அறியப்பட்டார்.
கைதி 2, விக்ரம் 3க்கான லீட்
தற்போது இவரது இயக்கத்தில் கமல் நடிப்பில் விக்ரம் படம் ரிலீசாகியுள்ளது. இந்தப் படத்தில் கைதி 2 மற்றும் விக்ரம் 3 படங்களுக்கான லீட் கொடுக்கப்பட்டுள்ளது. முன்னதாக விக்ரம் படத்தை பார்ப்பதற்கு முன்னதாக தன்னுடைய கைதி படத்தை பார்க்க அவர் ரசிகர்களுக்கு வேண்டுகோள் விடுத்திருந்தார்.
விரைவில் கைதி 2
ஆங்கில படங்களை போல விக்ரம் மற்றும் கைதி இரண்டு படங்களும் இணைவது போல சில காட்சிகளையும் அமைத்துள்ளார். இதையடுத்து கைதி 2 படம் விரைவில் துவங்கும் என்று எதிர்பார்க்கப்படுகிறது. கைதி படத்தில் விடையளிக்கப்படாத சில கேள்விகளுக்கு இந்தப் படத்தில் விடை கிடைக்கும் என்று எதிர்பார்க்கலாம்.
கைதி தயாரிப்பாளர் ட்வீட்
இதனிடையே கைதி படத்தின் தயாரிப்பாளர் எஸ்ஆர் பிரபு தன்னுடைய ட்விட்டர் பக்கத்தில் கைதி 2 ஆரம்பிக்கலாங்களா என்று கேள்வி எழுப்பியுள்ளார். இதையடுத்து விரைவில் கைதி 2 படத்திற்கான வேலைகள் துவங்கும் என்று எதிர்பார்க்கலாம். இந்தப் படத்திலும் கார்த்தியே நடிப்பாரா என்றும் ரசிகர்கள் கேள்வி எழுப்பி வருகின்றனர்.
தளபதி 67 படத்தில் லோகேஷ்
இயக்குநர் லோகேஷ் கனகராஜ் தற்போது விக்ரம் படத்தை தொடர்ந்து அடுத்ததாக விஜய்யின் 67வது படத்தை இயக்கவுள்ளார். இதுகுறித்த அதிகாரப்பூர்வ அறிவிப்பு சில தினங்களில் வெளியாகும் என்று எதிர்பார்க்கப்படுகிறது. இந்தப் படம் தன்னுடைய 100 சதவிகித படமாக அமையும் என்று முன்னதாக லோகேஷ் கனகராஜ் தெரிவித்துள்ளது குறிப்பிடத்தக்கது.