Don't Miss!
- Lifestyle எப்பவும் ஒரே மாதிரி சட்னி செய்யாம.. ஒருமுறை தீயில் சுட்ட தக்காளி சட்னியை செய்யுங்க.. டேஸ்ட் சும்மா அள்ளும்..
- News நோட்டாவில் அதிக ஓட்டு.. தேர்தல் ரத்தாகுமா? என்னங்க சொல்றீங்க.. நீங்க நம்பலைனாலும் ‘இது’ தான் நெசம்!
- Sports ரூ.14 கோடி வீரருக்கு ஆப்பு.. லக்னோ பிட்சால் சிஎஸ்கே அணியில் நடக்கப்போகும் மாற்றம்.. ருதுராஜ் முடிவு!
- Technology ரூ.10,000 குள்ள 2.. ரூ.20,000 குள்ள 2.. Redmi-யின் 5 முரட்டு போன்கள் மீது.. வெயிட்டா ரூ.2000 டிஸ்கவுண்ட்!
- Automobiles உலகம் முழுவதும் ராயல் என்ஃபீல்டு பைக்கை வாடகைக்கு எடுக்கலாம்! எப்படி தெரியுமா?
- Finance ரோஜா பூவும், பிரியாணியும் மணக்குதே.. செலவும் பிச்சுக்குதே..!!
- Travel பாவனி ஆற்றின் நடுவே 700 ஆண்டுகளாக மூழ்கியிருக்கும் கோட்டை – இன்னும் 2 மாதங்களுக்கு பொதுமக்கள் செல்லலாம்!
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
அமெரிக்காவில் தனுஷ்...டி 43 படப்பிடிப்பை அறிவித்த கார்த்திக் நரேன்
சென்னை : தனுஷ், தற்போது தான் நடிக்கும் தி கிரே மேன் என்ற ஹாலிவுட் படத்தின் படப்பிடிப்பில் பிஸியாக இருந்து வருகிறார். இதற்காக அவர் அமெரிக்காவில் தான் தங்கி உள்ளார். இந்த படத்தை முடித்த பிறகு, தற்காலிகமாக டி 43 என பெயரிடப்பட்டுள்ள, கார்த்திக் நரேன் இயக்கும் தனது 43 வது படத்தில் நடிக்க உள்ளார் என ஏற்கனவே கூறப்பட்டது. ஆனால் தனுஷ் அமெரிக்காவில் இருந்து திரும்பாத நிலையில், டி 43 படத்தின் சூட்டிங்கை விரைவில் துவங்க உள்ளதாக கார்த்திக் நரேன் அறிவித்துள்ளார்.
சமீபத்தில் சமூக வலைதளத்தில் ரசிகர்கள் எழுப்பிய கேள்விகளுக்கு கார்த்திக் நரேன் பதிலளித்தார். அப்போது டி 43 படம் பற்றிய கேள்விகளுக்கு பதிலளிக்கையில் சில சுவாரஸ்ய தகவல்களை கார்த்திக் நரேன் வெளியிட்டார். அதில் அவர், தனுஷ் நடிக்கும் டி 43 படத்தின் படப்பிடிப்பு விரைவில் துவங்க உள்ளது என்ற தகவலை வெளியிட்டார்.
குவியும் பட வாய்ப்புக்கள்... பிரியா பவானிசங்கர் செய்த காரியம் தெரியுமா?
மேலும், மாஸ்டர் படத்தில் நடித்த மகேந்திரன் இந்த படத்தில் நடிக்க உள்ளார். அவர் நடிக்கும் காட்சிகள் எப்போது படமாக்கப்படும் என இன்னும் முடிவு செய்யவில்லை என்றார். சத்யஜோதி பிலிம்ஸ் இயக்கும் இந்த படத்தில் மாளவிகா மோகன் ஹீரோயினாக நடிக்கிறார். த்ரில்லர் கதையாக இயக்கப்பட உள்ள இந்த படத்திற்கு ஜி.வி.பிரகாஷ் இசையமைக்கிறார்.
மலையாள திரைக்கதை எழுத்தாளர் இரட்டையர்களான ஷர்ஃபு மற்றும் சுகாஸ் தான் இந்த படத்திற்கும் திரைக்கதை எழுத உள்ளனர். கார்த்திக் நரேன், அருண் விஜய்யை வைத்து இயக்கிய மாஃபியா படத்தில் நடித்த பிரசன்னா, இந்த படத்திலும் நடிக்க உள்ளார்.
தனுஷ் இன்னும் அமெரிக்காவில் இருந்து திரும்பவில்லை. கொரோனாவால் படப்பிடிப்புக்கள் நிறுத்தப்பட்டு வருகின்றன. மீண்டும் எப்போது படப்பிடிப்புக்கள் துவங்கப்படும் என யாருக்கும் தெரியாத நிலையில் கார்த்திக் நரேனின் இந்த அறிவிப்பு அனைவரையும் குழப்பமடைய வைத்துள்ளது. ஒருவேளை தனுஷ் தி கிரே மேன் படத்தின் படப்பிடிப்பை முடித்து விட்டாரா என்ற கேள்வியும் எழுந்துள்ளது.