Don't Miss!
- News ‛‛குழந்தைகளை தண்டிக்க கூடாது’’.. NCPCR ரூல்ஸ்ஸை அமல்படுத்த பள்ளி கல்வித்துறைக்கு ஐகோர்ட் உத்தரவு
- Automobiles இன்னிக்கு அறிமுகமான இந்த கார் பத்தி நீங்க கட்டாயம் தெரிந்து கொள்ள வேண்டிய 5 விஷயம் இதுதான்!
- Lifestyle Kulfi: 4 பிரட்டும், 1 பால் பாக்கெட்டும் வெச்சு ஈஸியா குல்பி செய்யலாம் தெரியுமா? எப்படின்னு பாருங்க...
- Technology ஆளுக்கு 1 ஆர்டர்.. ரூ.12,498 போதும்.. 50MP செல்பி கேமரா.. OZO ஆடியோ.. அறிமுகமானது HMD போன்கள்.. எந்த மாடல்?
- Finance ஹார்லிக்ஸ் இனி ஹெல்த் ட்ரிங்க் இல்ல.. மத்திய அரசு அதிரடி அறிவிப்பு!
- Sports IPL 2024 : இந்த அவமானம் தேவையா.. ஆர்சிபி அணியிடம் அதுமட்டும் நிச்சயம் கிடையாது.. வாசிம் அக்ரம்!
- Travel மதுரை கள்ளழகர் திருவிழாவைப் போன்றே மற்ற இடங்களில் நடக்கும் ‘அழகர் திருவிழாக்கள்’ பற்றி தெரியுமா உங்களுக்கு?
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
ரஜினிக்கு மனைவியாக சிம்ரன், மகனாக பாபி சிம்ஹா... மகளுக்காக தொடரும் தேடுதல் வேட்டை!
புதிய படத்தில் ரஜினியின் மகள் கதாபாத்திரத்திற்கு பொருத்தமான நடிகையை படக்குழு தேடி வருகின்றனர்.
Recommended Video
சென்னை: கார்த்திக் சுப்புராஜ் படத்தில் ரஜினியின் மகள் கதாபாத்திரத்தில் நடிப்பதற்கு பொருத்தமான நடிகையை படக்குழுவினர் தீவிரமாக தேடி வருகிறார்களாம்.
ரஜினியின் நடிப்பில் ஷங்கரின் 2.0, பா.ரஞ்சித்தின் காலா என இரண்டு படங்கள் ரிலீசுக்கு தயாராக உள்ளன. இதையடுத்து, சன் பிக்சர்ஸ் தயாரிப்பில் கார்த்திக் சுப்புராஜ் இயக்கும் புதிய படத்தில் நடிக்க இருக்கிறார் ரஜினி.
அனிருத் இசையமைக்கும் இப்படத்திற்கு தேசிய விருது பெற்ற ஒளிப்பதிவாளர் திருநாவுக்கரசு ஒளிப்பதிவு செய்கிறார்.
வில்லனாக விஜய் சேதுபதி:
இன்னும் பெயரிடப்படாத இப்படத்தில் ரஜினியின் வில்லனாக விஜய் சேதுபதி நடிக்க இருப்பதாகக் கூறப்படுகிறது. கதைப்படி ரஜினிக்கு மனைவியும், இரண்டு மகன்களும், ஒரு மகளும் உள்ளனர்.
பாபி சிம்ஹா:
அதன்படி, ரஜினிக்கு ஜோடியாக சிம்ரனும், மகன்களாக பாபி சிம்ஹா மற்றும் ஜில் ஜங்,ஜக், மெர்க்குரி படங்களில் நடித்த சனந்த் ரெட்டி ஆகிய இருவரும் நடிக்கவுள்ளதாக தகவல் வெளியாகியுள்ளது.
தேடுதல் வேட்டை:
இந்நிலையில், ரஜினியின் மகள் கதாபாத்திரத்தில் நடிக்க பொருத்தமான நடிகையை படக்குழுவினர் வலைவீசி தேடி வருகின்றனராம். கபாலியில் ரஜினியின் மகளாக நடித்த தன்ஷிகாவின் கதாபாத்திரம் பெரிதும் பேசப்பட்டது போல, இப்படத்திலும் இந்த கதாபாத்திரம் இருக்கும் என எதிர்பார்க்கப்படுகிறது. எனவே, அதற்கு ஏற்ற திறமையான நடிகையை தேடி வருகிறார்களாம்.
அதிகாரப்பூர்வ அறிவிப்பு:
இப்படத்தின் முதற்கட்ட தயாரிப்புப் பணிகள் முழுவீச்சில் நடைபெற்று வருகின்றன. விரைவில் ரஜினியுடன் நடிக்கும் கதாபாத்திரங்கள் குறித்த அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.